Qairat Boranbaev Belarýstegi meiramhanalarynan aqyry aiyrylyp tyndy. Belarýstiń memlekettik múlik komiteti olardy jańa iesine satýǵa daiyndalyp jatyr, - dep habarlaidy Dalanews.kz.
Shiskin_like Telegram-arnasynyń derekterine súiensek,qańtardyń basynda Boranbaev Belarýstegi meiramhana biznesinen aiyrylýy múmkin ekeni belgili boldy. Óitkeni byltyr kúzde Belarýs Respýblikasynyń múlik jónindegi memlekettik komiteti Mak.by meiramhanalar jelisin sotqa bergen. Al onyń ieleri - singapýrlyq KSB Victory Restaurants Pte.LTD kompaniiasy. Bul qazaqstandyq kásipkerge tiesili.
Keiin onyń iesi Joǵarǵy sotqa shaǵym túsiripti, al otyrys 10 qańtarda ótti. Biraq Belarýs buqaralyq aqparat quraldary málimetinshe, buǵan deiin shyqqan sheshim ózgerissiz qalǵan.
"Jaqyn arada menshik iesi resmi túrde ózgeredi jáne zańdy tulǵalar bazasynan memlekettik múlik komiteti onyń iesi bolǵanyn kóremiz", - dep jazylǵan jergilikti basylymdardyń birinde.
Sonymen qatar, Boranbaevtyń meiramhanalaryn satyp alýshy tabylyp ta qoiǵan. Bul týraly Belarýs prezidenti Aleksandr Lýkashenko Ministrler keńesiniń basshylyǵymen ótken keńeste aitqan.
"Olardy satyp alýǵa daiyn jeke menshik iesi paida boldy, aqsha tóleidi, tóleitin aqshasy da az emes. Jeke kásibi bar Belarýs azamaty bul jelini damytýǵa daiyn", - dep keltirdi onyń sózin jergilikti basylymdardyń biri.
Kásipker naqty kim ekeni atalmady, biraq buqaralyq aqparat quraldarynda onyń AQSh sanktsiialar tizimine engen kásipker Aleksei Oleksin bolýy múmkin ekeni týraly boljam bar.
Oleksin - Belarýstiń iri kásipkeri, negizginen munai ónimderin, temeki men elektron temekini kóterme saýdalaýmen ainalysady.
