ەڭ باستىسى – ەگٸستٸكتەن الىنعان ٶنٸم دەر كەزٸندە تيٸمدٸ باعاعا ساۋدالانىپ, ديقاندار شىعىنعا ۇشىراماعان. بۇل باعىتتا اۋدان ەكٸمدٸگٸ تاراپىنان بارلىق كٶمەكتەر كٶرسەتٸلگەن ەكەن.
تٷركٸستان ٶڭٸرٸنە ساپار بارىسىندا "قالا مەن دالا" گازەتٸنٸڭ تٸلشٸلەرٸ اۋدانداعى «تاحيرجان» شارۋا قوجالىعىندا بولىپ, باكلاجان ٶنٸمدەرٸن جيناپ جاتقان ەڭبەكلەرلەردٸڭ جۇمىسىمەن تانىسقان ەدٸ. شارۋا قوجالىقتىڭ تٶراعاسى ارىستان ساپاروۆ بيىل 1 گەكتارعا باكلاجان, 1 گەكتار جەرگە جٷگەرٸ, 9 گەكتارعا ماقتا داقىلىن ەگٸپتٸ. بىلتىر 1 گەكتاردان 27 توننا باكلاجان ٶنٸمٸن العان شارۋا بيىل دا بۇل داقىلدان جوعارى ٶنٸم العان.
اتالعان قوجالىق باكلاجاننىڭ 1 كەلٸسٸن دەلدالدارعا 300 تەڭگەدەن ساتىپ جاتىر ەكەن.
«باكلاجان — كٷندەلٸكتٸ تۇرمىسقا ٶتە قاجەتتٸ ٶنٸمدەردٸڭ بٸرٸ. قۇرامىندا دەرۋمەندەر ٶتە كٶپ. مٸنە, ەگٸنشٸلٸكتٸ ەرتاراپتاندىرۋدىڭ ارقاسىندا ديقاندارىمىز بۇرىن سوڭدى ەكپەگەن كٶكٶنٸستٸڭ وسىنداي تٷرلەرٸنە بەت بۇرا باستادى. ديقاندارىمىز وسىلايشا وتاندىق نارىقپەن قاتار, رەسەيگە باكلاجان ٶنٸمدەرٸن ەكسپورتتاۋدا», — دەدٸ جامانتاي قانايۇلى.
ال «يسرايل» شارۋا قوجالىعىنىڭ تٶراعاسى التىنبەك توراەۆ بيىل 0,5 گەكتار جەرگە بولگار بۇرىشىن ەگٸپ, العاشقى ٶنٸمدەرٸن شىعارا باستاپتى. بولگار بۇرىشىنىڭ كەلٸسٸن 400 تەڭگەدەن ساۋدالاۋدا. سونداي-اق, ول بيىل قييار مەن قىزاناق ەگٸپ, ولاردان دا جوعارى ٶنٸم العان.
ايتا كەتەيٸك, بىلتىر ماقتارالدىق شارۋالار 3877 گەكتار جەرگە كٶكٶنٸس داقىلدارىن ەگٸپ, 89689 توننا ٶنٸم العان بولاتىن. ال بيىلعى كٶرسەتكٸش مۇنان دا جوعارى بولدى.
