Eń bastysy – egistikten alynǵan ónim der kezinde tiimdi baǵaǵa saýdalanyp, diqandar shyǵynǵa ushyramaǵan. Bul baǵytta aýdan ákimdigi tarapynan barlyq kómekter kórsetilgen eken.
Túrkistan óńirine sapar barysynda "Qala men Dala" gazetiniń tilshileri aýdandaǵy «Tahirjan» sharýa qojalyǵynda bolyp, baklajan ónimderin jinap jatqan eńbeklerlerdiń jumysymen tanysqan edi. Sharýa qojalyqtyń tóraǵasy Arystan Saparov biyl 1 gektarǵa baklajan, 1 gektar jerge júgeri, 9 gektarǵa maqta daqylyn egipti. Byltyr 1 gektardan 27 tonna baklajan ónimin alǵan sharýa biyl da bul daqyldan joǵary ónim alǵan.
Atalǵan qojalyq baklajannyń 1 kelisin deldaldarǵa 300 teńgeden satyp jatyr eken.
«Baklajan — kúndelikti turmysqa óte qajetti ónimderdiń biri. Quramynda dárýmender óte kóp. Mine, eginshilikti ártaraptandyrýdyń arqasynda diqandarymyz buryn sońdy ekpegen kókónistiń osyndai túrlerine bet bura bastady. Diqandarymyz osylaisha otandyq naryqpen qatar, Reseige baklajan ónimderin eksporttaýda», — dedi Jamantai Qanaiuly.
Al «Israil» sharýa qojalyǵynyń tóraǵasy Altynbek Toraev biyl 0,5 gektar jerge bolgar buryshyn egip, alǵashqy ónimderin shyǵara bastapty. Bolgar buryshynyń kelisin 400 teńgeden saýdalaýda. Sondai-aq, ol biyl qiiar men qyzanaq egip, olardan da joǵary ónim alǵan.
Aita keteiik, byltyr maqtaraldyq sharýalar 3877 gektar jerge kókónis daqyldaryn egip, 89689 tonna ónim alǵan bolatyn. Al biylǵy kórsetkish munan da joǵary boldy.
