بيىل كٶكتەمدە باسى داۋعا قالعان كومپانييا - «TOLAGAI-2050» جشس باس ديرەكتورىنىڭ ورىنباسارى اسقار سەردالين كومپانييانى بولات نازارباەۆتىڭ قىزىمەن نە بايلانىستىرعانىن ايتىپ بەردٸ, - دەپ حابارلايدى Dalanews.kz.
ايتا كەتەيٸك, سەۋٸردٸڭ ورتاسىندا 30 مىڭ الماتىلىقتىڭ ٶمٸرٸنە قاۋٸپ تٶنٸپ تۇرعانى تۋرالى حابار تاراعان بولاتىن. تٶتەنشە جاعدايلار مينيسترٸ شىڭعىس ەرٸنوۆ "اقساي" باسسەينٸندەگٸ سەل ۇستايتىن بٶگەتتٸ سالۋ كەزٸندە اقشا جىمقىرىلعانىن ايتتى. كەيٸننەن بٶگەتتٸ سالعان كومپانييا بولات نازارباەۆتىڭ قىزى اقبوتا نازارباەۆامەن بايلانىستى ەكەنٸ بەلگٸلٸ بولدى.
«TOLAGAI-2050» كومپانيياسى سوڭعى 5 جىلدا بٶگەتتەر مەن گيدروتەحنيكالىق قۇرىلىستاردى سالۋعا بٶلٸنگەن بارلىق قاراجاتتىڭ ٷشتەن ەكٸسٸن العان. الماتىداعى اقساي بٶگەتٸن دە وسى كومپانييا سالىپ جاتىر.
اسقار سەردالين «گولوس نارودا» باسىلىمىنا بەرگەن سۇحباتىندا بٶگەت قۇرىلىسىنىڭ توقتاپ قالۋىنا ونىڭ ساپاسىنىڭ قاتىسى جوعىن ايتقان. كەسٸپكەردٸڭ سٶزٸنشە, ماڭىزدى نىساننىڭ جوبالىق-سمەتالىق قۇجاتتاماسى ٶزگەرتٸلگەن, بٸراق «كازسەلەزاششيتا» زاڭمەن بەلگٸلەنگەن مەرزٸمدە بۇل ٶزگەرٸستەردٸ ماقۇلداماعان بولىپ شىقتى.
مەملەكەتتٸك ورگاندار «TOLAGAI-2050» جشس-مەن جاڭا كەلٸسٸمشارتتار جاساۋىن نەگە توقتاتپاعان? بۇل بٸرنەشە جىل بۇرىن كومپانيياداعى قۇرىلتايشىلار قۇرامىندا بولات نازارباەۆتىڭ قىزى اقبوتا نازارباەۆانىڭ بولۋىمەن بايلانىستى بولۋى مٷمكٸن بە?
اسقار سەرداليننٸڭ سٶزٸنشە, اقبوتا نازارباەۆانىڭ قۇرىلتايشىلار قۇرامىندا بولۋىنىڭ سەبەبٸ بٶلەك.
«نازارباەۆتار ەۋلەتٸمەن بٸزدٸڭ كومپانييانىڭ الماتى ماڭىنداعى تۇرعىن ٷي الابىن سالۋ جوباسىنا قاتىسۋى تۋرالى ناقتى كەلٸسٸم بولدى. بٸراق جوبا ٸسكە اسپاي, ەكٸ تاراپ ەكٸ جاققا كەتتٸ نازارباەۆتار ەۋلەتٸنەن باسقا قانداي دا بٸر پايدا تاۋىپ قالۋ دەگەن بولعان جوق. ونى مەملەكەتتٸك ساتىپ الۋ بويىنشا جٷرگٸزٸلگەن ستاتيستيكالاردان-اق بٸلۋگە بولادى», - دەيدٸ اسقار سەردالين.
كومپانييا الماتىداعى بٶگەتتٸ سالۋدىڭ كەشٸگۋٸ قارجىلاندىرۋدىڭ كەشٸگۋٸمەن بايلانىستى ەكەنٸن ايتادى.
