بۇعان دەيٸن دۋبايدا ٶتكەن الامان بەيگەدە «كەبٸرحان» دەيتٸن قازاق تۇلپارى توپ جارعانى ەسٸڭٸزدە بولار. وسىناۋ جەڭٸستٸ ەستٸگەن ەل بٶركٸن اسپانعا اتىپ قۋانعان. ال ەلەمجەلٸدەگٸ جۇرت «بولات نازارباەۆ تٸرٸ بولسا, ەكٸ سٶزگە كەلمەي تۇلپاردى تارتىپ الار ەدٸ...» دەگەن پٸكٸر بٸلدٸرۋدە.
بۇل تەگٸن ەمەس. داۋدىڭ باسى نازارباەۆتىڭ ٸنٸسٸنە جىلقى بەرمەگەنٸ ٷشٸن 14 جىلعا باس بوستاندىعىنان ايىرىلعان ەسبول جاپپاسوۆتا دەپ جازادى Dalanews.kz.
وقيعا بىلاي ٶربٸگەن: 2018 جىلى جامبىل وبلىسى, قورداي اۋدانى, بەرٸكتاس اۋىلىنداعى بەيگەدە قوردايلىق ەسبولدىڭ "سامال" اتتى سەيگٷلٸگٸ مەرە سىزىعىن بٸرٸنشٸ بولىپ كەسەدٸ. شابىستى بەسەكەنٸڭ نەسٸبەسٸنە ەكٸ جەڭٸل كٶلٸك بەرٸلگەن.
كٶپتٸ ەلٸكتٸرگەن تارتۋدان سوڭ, الماتى وبلىسى تالعار اۋدانىنىڭ سول كەزدەگٸ ەكٸمٸ جەڭٸسٸمەن قۇتتىقتاپ, ايعىرعا كٶز سالعان بولات نازارباەۆقا بەرۋدٸ ۇسىنعان. بٸراق ەسبول تٷبەگەيلٸ باس تارتقان. كەيٸن ەكٸم قايتا كەلٸپ, ەڭگٸمەنٸ ەرٸدەن ٶربٸتكەن. ەكەۋارا ديالوگ ەكٸمنٸڭ «قايتارماساڭ, ٶزٸڭ كٸنەلٸسٸڭ!» دەگەن اشۋلى سٶزٸمەن اياقتالعان.
ACCA پورتالىنىڭ اقپاراتىنا قاراعاندا ۋاقىت وزدىرماي قورداي اۋىلىنا ۇلتتىق قاۋٸپسٸزدٸك كوميتەتٸنٸڭ قىزمەتكەرلەرٸ كەلٸپ, جىلقىشىنىڭ ٶمٸرٸن زەردەلەۋگە كٸرٸسكەن. ارتىنشا ونىڭ قولاستىندا ٸستەيتٸن ەيەلدٸڭ بالاسى كەزٸندە ٸستٸ بولىپ, باسى داۋعا قالعانى وسى وقيعانىڭ ۋشىعۋىنا سەبەپ بولعان.
ٶيتكەنٸ ەيەل ۇلىن بوساتۋ ٷشٸن جاپپاسوۆتان 3 مىڭ دوللار قارىز العان. ۇقك قىزمەتكەرلەرٸ مۇنى ۇتىمدى پايدالانىپ ەيەلدٸ جاپپاسوۆتىڭ ٷستٸنەن جالا جابۋعا مەجبٷرلەگەن. «باس تارتساڭدار, پارا الۋ تۋرالى ٸس قوزعايمىز, ۇلىن تٷرمەگە جٸبەرەمٸز» دەپ قورقىتقان. ەرينە, ەيەل باۋىر ەتٸ بالاسىن تاڭداعان...
اراعا بٸرنەشە كٷن سالىپ, جاپپاسوۆ ٸس-تٷسسٸز جوعالىپ كەتكەن. تۋىستارى ەكٸ اپتا ٸزدەگەن. كەيٸن ۇقك قىزمەتكەرٸ حابارلاسىپ, جاپپاسوۆتىڭ قاۋٸپسٸز ٷيدە ەكەنٸن, جاقىن ارادا بوساتىلاتىنىن ايتىپ سەندٸرگەن.
تۋىستارىنىڭ ايتۋىنشا, ونى شىعاراتىن كٷنٸ جاپپاسوۆتىڭ قۇرىلىسى بٸتپەگەن ٷيٸنە پۋلەمەت, كٶلٸگٸنە ۇقك تەركٸلەپ قويعان تاپانشا جاسىرىلعان. وسىنى نەگٸزگە الىپ, ەسبول جاپپاسوۆتى تٷرمەگە قاماعان.
تەرگەۋ بارىسىندا ەسبول جاپپاسوۆتىڭ قىرعىزستان پارلامەنتٸنٸڭ دەپۋتاتى داميربەك اسىلبەكۋلۋمەن بٸرلەسٸپ قىتايدان قازاقستان مەن قىرعىزستانعا كونتراباندالىق جٷك تاسىمالداۋمەن اينالىساتىن ترانسۇلتتىق ۇيىمداسقان قىلمىستىق توپ قۇرعانى انىقتالىپتى-مىس. بۇل تۇزدىق بولىپ, 14 جىلعا باس بوستاندىعىنان ايىرىلعان. ٸزٸنشە قوردايعا بەلگٸسٸز بٸرەۋلەر كەلٸپ, سەيگٷلٸكتٸ تارتىپ الماق بولعان. بٸراق جاپپاسوۆتىڭ تۋىستارى بەرمەگەن.
اتىشۋلى وقيعانىڭ جاي-جاپسارىن وسىدان ەكٸ جىل بۇرىن الماتىدا ٶتكەن باسپاسٶز مەسليحاتىندا جاپپاسوۆتىڭ تۋىستارى ەگجەي-تەگجەيلٸ ايتىپ بەرگەن ەدٸ.
«ەسبول اباقتىدا بەكەر وتىر. ونىڭ شىن سەبەبٸن بەرٸ بٸلەدٸ. بٸراق ٷنسٸز وتىر. قاڭتار وقيعاسىنا دەيٸن بيلٸگٸن اسىرعان دٶكەيدٸڭ كٶرەالماۋشىلىعى», – دەگەن ەدٸ ەسبولدىڭ تۋىسى ەدٸلحان شىنتاسوۆ.
ەڭ قىزىعى سوتتالعان جاپپاسوۆتىڭ اۋىلداستارى سوت شەشٸمٸنە قارسىلىق بٸلدٸرمەك بولعان. الايدا ۇقك قىزمەتكەرلەرٸ ٸسكە قايتا ارالاسىپ, باستاپقى شەشٸم ساقتالىپتى. بۇل ٸسكە بەلگٸلٸ قازاقستاندىق زاڭگەر جەنە قۇقىق قورعاۋشى ايمان وماروۆا كٸرٸسكەن.
جاڭا قازاقستاندا ەدٸلەتتٸلٸك ورناپ, ەسبول بوستاندىققا شىقتى ما? Dalanews وقيعانىڭ مەن-جايىن انىقتاۋ ٷستٸندە.
