پاۆلودار وبلىس ەكٸمٸ توعىزقۇمالاقشى جانات قايمولدينگە, ەركٸن كٷرەس شەبەرٸ ساياتبەك وقاسوۆقا, كيكبوكستان ەلەم چەمپيونى نۇرسۇلتان حاسانوۆقا مەدەنيەت جەنە سپورت مينيسترلٸگٸنٸڭ العىس حاتىن تابىستادى. «BI Group Ironman 70.3 Nur-Sultan» ەستافەتاسىنىڭ جەڭٸمپازدارى ۆاسيليي زۆونارەۆ, الەكساندر كولوندا جەنە پاۆەل گاتسكيي دە ەستەلٸك سىيلىقتارمەن ماراپاتتالدى.
بولات باقاۋوۆ 2012 جىلى لوندوندا ٶتكەن وليمپيادا ويىندارىنىڭ قاتىسۋشىسى دەۋلەت شابانبايدى دا قۇتتىقتادى. بيىل حالىقارالىق وليمپيادالىق كوميتەتتٸڭ شەشٸمٸمەن جەرلەسٸمٸز وليمپيادانىڭ قولا جٷلدەسٸن يەلەگەن بولاتىن.
– بارشاڭىزعا قولداۋ كٶرسەتكەندەرٸڭٸز ٷشٸن العىس بٸلدٸرەمٸن. مەن ەلٸ قاتاردان شىققان جوقپىن. توكيو وليمپياداسىنا بارۋدى جوسپارلاپ وتىرمىن, – دەدٸ دەۋلەت شابانباي.
ٶڭٸردە بۇقارالىق سپورتتى دامىتۋ بويىنشا اۋقىمدى جۇمىستار جٷرگٸزٸلٸپ جاتىر. بيىل «سپورت سيتي» سپورت قالاشىعىندا جابىق فۋتبول مانەجىنىڭ قۇرىلىسى اياقتالدى. وليمپيادالىق ستاندارتتارعا تولىقتاي ساي كەلەتٸن «ەرتٸس» باسسەينٸ اشىلدى.
– كەلەر جىلى توكيوداعى وليمپيادا ويىندارىنا كٶز تٸگەمٸز. بٷگٸندە 15 سپورتشىمىز ليتسەنزييا الۋ ٷشٸن «كٷرەسٸپ» جاتىر. ولارعا سەتتٸلٸك تٸلەيمٸن. ولاردان تەك قانا جەڭٸس كٷتەمٸز, – دەدٸ بولات باقاۋوۆ.
ەكٸم ٶز سٶزٸندە پاراوليمپياداشى سپورتشىلاردىڭ جەتٸستٸكتەرٸنە دە توقتالدى. ولاردىڭ قاتارىندا گەورگيي چەتۆەريكوۆتى ەرەكشە اتاۋعا بولادى. ول ٷستەل تەننيسٸنەن قازاقستان رەسپۋبليكاسىنىڭ حالىقارالىق دەرەجەدەگٸ سپورت شەبەرٸ, 2019 جىلعى بٷكٸلەلەمدٸك IWAS ويىندارىنىڭ كٷمٸس جٷلدەگەرٸ. سونداي-اق ساداق اتۋدان قازاقستان رەسپۋبليكاسىنىڭ حالىقارالىق دەرەجەدەگٸ سپورت شەبەرٸ, پاراوليمپياداشىلار اراسىنداعى 2019 جىلعى ازييا جەنە ەلەم چەمپيوناتتارىنىڭ قاتىسۋشىسى الەكساندر مەدۆەدەۆتٸ دە بٶلە-جارا اتاپ ٶتكەن ابزال.
