"بولاشاق" باعدارلاماسىنا العاش رەت جاس شەكتەۋى ەنگىزىلدى. "بولاشاق" حالىقارالىق ستيپەندياسىنىڭ ىسكە قوسىلعانىنا 30 جىل تولعاندا باعدارلاما ەرەجەلەرىنە ماڭىزدى وزگەرىس ەنگىزىلدى. ەندى عىلىمي تاعىلىمداماعا ۇمىتكەرلەرگە جاس بويىنشا شەكتەۋ قويىلادى. بۇل تۋرالى "حالىقارالىق باعدارلامالار ورتالىعى" اق مالىمدەدى، دەپ حابارلايدى Dalanews.kz.
بۇعان دەيىن تاعىلىمدامادان وتۋشىلەردىڭ جاسىنا ەشقانداي تالاپ بولماعان، زەينەت جاسىنداعى ازاماتتار دا قاتىسا الاتىن. الايدا عىلىم جانە جوعارى ءبىلىم ءمينيسترىنىڭ جاڭا بۇيرىعىنا سايكەس بۇل تالاپ قايتا قارالعان.
"قازىرگى ەرەجەگە ساي ەر ادامدار 59 جاستان، ايەلدەر 57 جاستان اسپاۋى كەرەك. بۇل وزگەرىس بەكىتىلىپ، قولدانىسقا ەنگىزىلدى"، – دەدى ورتالىقتىڭ وكىلى.
ايتا كەتەيىك، "بولاشاق" – قازاقستان رەسپۋبليكاسى پرەزيدەنتىنىڭ باستاماسىمەن قۇرىلعان حالىقارالىق ءبىلىم بەرۋ باعدارلاماسى. ول 1993 جىلدىڭ 5 قاراشاسىندا ەلىمىز ءۇشىن باسىم باعىتتاردا ماماندار دايارلاۋ جانە ولاردىڭ بىلىكتىلىگىن ارتتىرۋ ماقساتىندا ىسكە قوسىلعان.
