"Bolashaq" baǵdarlamasyna alǵash ret jas shekteýi engizildi. "Bolashaq" halyqaralyq stipendiiasynyń iske qosylǵanyna 30 jyl tolǵanda baǵdarlama erejelerine mańyzdy ózgeris engizildi. Endi ǵylymi taǵylymdamaǵa úmitkerlerge jas boiynsha shekteý qoiylady. Bul týraly "Halyqaralyq baǵdarlamalar ortalyǵy" AQ málimdedi, dep habarlaidy Dalanews.kz.
Buǵan deiin taǵylymdamadan ótýshilerdiń jasyna eshqandai talap bolmaǵan, zeinet jasyndaǵy azamattar da qatysa alatyn. Alaida ǵylym jáne joǵary bilim ministriniń jańa buiryǵyna sáikes bul talap qaita qaralǵan.
"Qazirgi erejege sai er adamdar 59 jastan, áielder 57 jastan aspaýy kerek. Bul ózgeris bekitilip, qoldanysqa engizildi", – dedi ortalyqtyń ókili.
Aita keteiik, "Bolashaq" – Qazaqstan Respýblikasy Prezidentiniń bastamasymen qurylǵan halyqaralyq bilim berý baǵdarlamasy. Ol 1993 jyldyń 5 qarashasynda elimiz úshin basym baǵyttarda mamandar daiarlaý jáne olardyń biliktiligin arttyrý maqsatynda iske qosylǵan.
