«بولاشاق» باعدارلاماسى زيياتكەر ۇلتتىڭ كەلبەتٸن قالىپتاستىردى
دامىعان ەلدەردٸڭ جەتەكشٸ وقۋ ورىندارىندا بٸلٸم العان «بولاشاقتىقتار» قازٸرگٸ تاڭدا ەلباسى نۇرسۇلتان نازارباەۆتىڭ قازاقستاندى ينتەللەكتۋالدى ۇلتقا اينالدىرۋ جولىنداعى اسىل ارمانىن جٷزەگە اسىرۋعا بەل بۋىپ, بٸلەك سىبانا كٸرٸسٸپ كەتتٸ. وسى رەتتە ەلٸمٸزدٸڭ «ينتەللەكتۋالدى ۇلت» جوباسىن دايىنداپ, ٸسكە اسىرۋدا «بولاشاق» باعدارلاماسىن بٸتٸرٸپ كەلگەن تٷلەكتەردٸڭ الاتىن ورنى ەرەكشە. وسى ماڭىزدى جوبانى قولعا العاندا ۇلت كٶشباسشىسى نۇرسۇلتان نازارباەۆ وسىعان وراي:
– ەڭ الدىمەن, بٸز «بولاشاق» باعدارلاماسىنىڭ ەلەۋەتٸن پايدالانۋعا تيٸسپٸز. مەن بۇل سالاداعى تالداۋدى مۇقييات قاراپ شىقتىم. قازٸرگٸ كٷنٸ شەتەلدە بٸلٸم الىپ, ەلگە كەلگەن ونداعان مىڭ «بولاشاقتىقتار» بار. تاعى دا مىڭداعان جاسىمىز ەلەمنٸڭ الدىڭعى قاتارلى وقۋ ورىندارىندا بٸلٸم الۋدا. بۇل قازاقستان ٷشٸن كەرەمەت ادامي ەلەۋەت بولىپ تابىلادى. بٸز الداعى ۋاقىتتا وسى مٷمكٸندٸگٸمٸزدٸ پايدالانىپ, ەلٸمٸزدٸ ٶركەندەتۋٸمٸز كەرەك, – دەپ ەلباسى ويىن ورتاعا سالعان بولاتىن.
يە, قازٸرگٸ تاڭدا «بولاشاق» باعدارلاماسى بويىنشا بٸلٸم العان جاستارىمىز عىلىمي زەرتتەۋلەر ٸسٸمەن اينالىسىپ, ەلٸمٸزدٸڭ ابىرويىن اسقاقتاتىپ جٷر. وسى باعىتتاعى جۇمىستاردى جانداندىرا تٷسۋ ٷشٸن ەل پرەزيدەنتٸ قاسىم-جومارت توقاەۆ تا جاس عالىمداردى قولداۋ ٷشٸن مەملەكەت تاراپىنان ارنايى گرانت بٶلگەنٸن بٸلەمٸز. وسىلايشا, 2020-2022 جىلدارعا ارنالعان جاس عالىمداردىڭ عىلىمي زەرتتەۋلەرٸن گرانتتىق قارجىلاندىرۋدىڭ جالپى كٶلەمٸ 9 ملرد تەڭگەنٸ قۇرادى. جىل سايىن 3 ملرد تەڭگەدەن بٶلٸنٸپ وتىرماقشى.
قازٸرگٸ كەزدە مەملەكەتتٸك عىلىمي-تەحنيكالىق جەنە ەكونوميكالىق ساراپتامالار نەتيجەسٸ بويىنشا ۇلتتىق عىلىمي كەڭەستەر كەلەسٸ 7 باسىمدىقتى باعىت بويىنشا جاس عالىمداردىڭ 1013 ٶتٸنٸمٸن ٸرٸكتەپ العان.
سونىڭ ٸشٸندە ەنەرگەتيكا جەنە ماشينا جاساۋ سالاسىنان – 102 ٶتٸنٸش, تابيعي رەسۋرستاردى, ونىڭ ٸشٸندە سۋ رەسۋرستارىن, گەولوگييانى, قايتا ٶڭدەۋدٸ, جاڭا ماتەريالدار مەن تەحنولوگييالاردى, قاۋٸپسٸز بۇيىمدار مەن كونسترۋكتسييالاردى ۇتىمدى پايدالانۋ – 313 ٶتٸنٸش, جاراتىلىستانۋ عىلىمدارى سالاسىنداعى عىلىمي زەرتتەۋلەر, اقپاراتتىق, تەلەكوممۋنيكاتسييالىق جەنە عارىشتىق تەحنولوگييالار بويىنشا 167 جوبا ٸرٸكتەلگەن. سونىمەن قاتار اگروٶنەركەسٸپتٸك كەشەندٸ تۇراقتى دامىتۋ جەنە اۋىل شارۋاشىلىعى ٶنٸمدەرٸنٸڭ قاۋٸپسٸزدٸگٸ بويىنشا – 139 جوبا, ٶمٸر جەنە دەنساۋلىق تۋرالى عىلىم – 127, «مەڭگٸلٸك ەل» عىلىمي نەگٸزدەرٸ (XXI عاسىر بٸلٸمٸ, گۋمانيتارلىق عىلىمدار سالاسىنداعى ٸرگەلٸ جەنە قولدانبالى زەرتتەۋلەر –155, ۇلتتىق قاۋٸپسٸزدٸك جەنە قورعانىس سالاسىندا 10 ٶتٸنٸش تٷسكەن.
مەملەكەتتٸڭ گرانتىنا يە بولعان جاس عالىمداردىڭ كٶپشٸلٸگٸ «بولاشاق» باعدارلاماسى بويىنشا شەتەلدە بٸلٸم الىپ, بٷگٸندە ەلگە ورالىپ, وتاندىق عىلىمنىڭ كٶشٸن ٶرگە سٷيرەپ جٷرگەن جاستار كٶپ. قالاي دەسەك تە, ەلباسى نۇرسۇلتان نازارباەۆتىڭ زيياتكەر ۇلت قۇرۋ تۋراسىنداعى اسىل ارمانى وسىلاي ەلٸمٸزدە ٸسكە اسۋدا. ال ونىڭ باسىندا «بولاشاق» باعدارلاماسىنىڭ تٷلەكتەرٸ جٷرگەنٸ تٸپتٸ قۋانتادى. وسى بٸر تٸزبەكتەلگەن جٷيە تاياۋ بولاشاقتا قازاقستاندى زيياتكەر ۇلتقا اينالدىرىپ, ەلٸمٸزدٸ ٶركەندەتە تٷسپەك.
