Bloomberg اگەنتتٸگٸنٸڭ جازۋىنشا, Shell, ExxonMobil, TotalEnergies جەنە Eni كومپانييالارى ٷشٸن قاشاعان جوباسىنداعى «بولاشاق» كەشەنٸندە كٷكٸرتتٸڭ شامادان تىس جينالۋى كٷتپەگەن جاعداي بولماعان. قۇجاتتار كونسورتسيۋم NCOC باسشىلىعى بۇل مەسەلەنٸ 2016 جىلدان بەرٸ بٸلگەنٸن كٶرسەتەدٸ, دەپ حابارلايدى Dalanews.kz.
اگەنتتٸك دەرەگٸنە سەيكەس, 2017 جىلى يتالييالىق Eni ٸشكٸ پرەزەنتاتسيياسىندا ٶندٸرٸس كٶلەمٸنٸڭ ارتۋىنا بايلانىستى كٷكٸرت ليميتتەرٸنٸڭ اسۋى مٷمكٸن ەكەنٸن بولجاعان. ال 2019 جىلى بريتاندىق Shell كٷكٸرتتٸڭ ارتىق كٶلەمٸ ٷشٸن ەر تونناسىنا 3,5 مىڭ دوللارعا دەيٸن ايىپپۇل سالىنۋى مٷمكٸن ەكەنٸن تٸكەلەي ەسكەرتكەن.
«ٸشكٸ قۇجاتتار جوبا سەرٸكتەستەرٸنٸڭ كٷكٸرتتٸ جەدەل ساتۋ نەمەسە قوسىمشا ساقتاۋ قويمالارىن سالۋ شىعىندارىن ايىپپۇلدارمەن سالىستىرىپ وتىرعانىن كٶرسەتەدٸ. اقىر سوڭىندا ولار بۇل شىعىندار جوبانىڭ تابىستىلىعىنا قاتتى سوققى بولادى دەگەن شەشٸمگە كەلگەن», - دەپ جازادى Bloomberg.
Bloomberg ساراپشىلارىنىڭ پٸكٸرٸنشە, «ەكولوگييا ەسەبٸنەن ٷنەمدەۋ» ستراتەگيياسى تٷپتەپ كەلگەندە قارجىلىق جەنە قۇقىقتىق شىعىندارعا الىپ كەلگەن. بۇل شىعىندار ەلەۋەتتٸ تازارتۋ نىساندارىن سالۋعا كەتەتٸن قارجىمەن سالىستىرعاندا بٸرنەشە ەسە جوعارى بولىپ شىققان.
اگەنتتٸك ماماندارى بۇل جاعدايدى باتىستىق كورپوراتسييالار ٷشٸن جاڭا شىندىقتىڭ كٶرٸنٸسٸ دەپ باعالايدى. ولاردىڭ ايتۋىنشا, دامۋشى ەكونوميكاسى بار ەلدەردە ەكولوگييالىق تالاپتار جاھاندىق كەلٸسٸمشارتتاردى قايتا قاراۋ كەزٸندە قىسىم قۇرالىنا اينالىپ كەلەدٸ.
قاشاعان جوباسىنىڭ ينۆەستورلارى ٷشٸن بۇل داۋ ۇزاق مەرزٸمدٸ رەپۋتاتسييالىق تەۋەكەلدەرگە ەكەلٸپ, كەن ورنىن يگەرۋدٸڭ كەلەسٸ كەزەڭدەرٸ بويىنشا كەلٸسسٶزدەردٸ ەدەۋٸر كٷردەلەندٸرگەن.
