مەجٸلٸس دەپۋتاتى, زاڭگەر ابزال قۇسپان ەر ٶڭٸردٸڭ بٸر-بٸر بولات نازارباەۆى بار ەكەنٸن ايتتى. سونداي-اق, ول سوت جٷيەسٸندە بۇعان دەيٸن قانداي بىلىقتار بولعانىن ەشكەرەلەدٸ, - دەپ حابارلايدى Dalanews.kz.
قوعامدى ەلەڭ ەتكٸزگەن وقيعا - ەكس-مينيستر بيشٸمباەۆ ٸسٸ. بىلتىر ول ەيەلٸن ۇرىپ ٶلتٸردٸ دەگەن كٷدٸكپەن قاماۋعا الىندى. قازٸر سوت وتىرىسى ٶتٸپ جاتىر. بۇرىنعى ۇلتتىق ەكونوميكا مينيسترٸ قۋاندىق بيشٸمباەۆتىڭ بۇل بٸرٸنشٸ قىلمىستىق ٸسٸ ەمەس.
ول 2018 جىلعى ناۋرىزدا 10 جىلعا باس بوستاندىعىنان ايىرىلعان بولاتىن. بۇرىنعى شەنەۋنٸك پارا الۋ جەنە اقشا جىمقىرۋ ٸستەرٸندە ايىپتى دەپ تانىلعان ەدٸ. بيشٸمباەۆتىڭ سوت ٸسٸ تٶرت ايدان اسا ۋاقىتقا سوزىلدى. ونىمەن بٸرگە بۇل ٸستە 22 ادام سوتقا تارتىلعان ەدٸ. ولار "بەيتەرەك DEVELOPMENT" اق ەكس-قىزمەتكەرلەرٸ, كەسٸپكەرلەر جەنە قۇرىلىس كومپانييالارىنىڭ ٶكٸلدەرٸ بولدى. ەكس-شەنەۋنٸك 10 جىلعا سوتتالسا دا, تۋرا 19 اي ٶتكەندە بوستاندىققا شىقتى.
ابزال قۇسپان ونىڭ بۇلاي ەرتە بوساپ شىعۋىنىڭ قانداي قۇپيياسى بار ەكەنٸن ايتتى.
"مەرزٸمٸنەن بۇرىن بوساتۋدىڭ ەكٸ فورماسى بار, بٸرٸنشٸسٸ - مەرزٸمٸنەن بۇرىن بوساتۋ, ەكٸنشٸسٸ - جەڭٸل جازاعا اۋىستىرۋ. وسى ەكٸ دٷنيە سىبايلاس جەمقورلىق سيپاتىنداعى قىلمىستىق ٸستەرگە قاتىستى قولدانىلمايدى. پرەزيدەنت جانىنداعى كوميسسييا ەلٸ بار, دەل قازٸر قالاي جۇمىس ٸستەپ جاتقانىن بٸلمەيمٸن. ەكس-پرەزيدەنتتٸڭ تۇسىندا ول قاتتى جۇمىس جاسادى.
سوتتار مىنا جاقتان كٸنەسٸن دەلەلدەپ, اق تەر, كٶك تەر بولىپ, ٸستٸ قىلىپ, ادامدى سوتتايدى. ول كەزدە نازارباەۆتان كەشٸرٸم سۇراعان شەنەۋنٸكتەر شىعىپ كەتەتٸن ەدٸ. كەشٸرٸم سۇراماعان ادامدار ەكسپوعا قاتىستى سوتتالعان ەرمەگيياەۆ سيياقتى ەلٸ كٷنگە جازاسىن ٶتەپ جاتىر.
ودان دا زور قىلمىس جاساعان ادامدار بٷگٸن كەشٸرٸم سۇراپ, ەرتەسٸ كٷنٸ بوساپ كەتكەن جايى بار. سوندىقتان بيشٸمباەۆ مەرزٸمٸنەن بۇرىن بوساپ شىققان جوق, پرەزيدەنتتەن كەشٸرٸم سۇراپ, پرەزيدەنتتٸڭ جانىنداعى كوميسسييا ارقىلى بوساپ شىقتى", - دەپ تٷسٸندٸردٸ زاڭگەر Usbanov ARNASY-نا بەرگەن سۇحباتىندا.
"باي قۇدا" استانانىڭ ورتالىعىنداعى 4 جۇلدىزدى قوناقٷيدٸ, باسقا دا بٸراز مٷلٸكتٸ مەملەكەت مەنشٸگٸنە تاپسىردى. سونىڭ ٸشٸندە رەسمي دەرەكتەرگە سٷيەنسەك, اۋماعى بەس مىڭ شارشى مەتردەن اساتىن قوناقٷي كەشەنٸنٸڭ جىلدىق اينالىمى شامامەن 900 ميلليون تەڭگەدەن اسادى ەكەن.
ابزال قۇسپان قايرات بورانباەۆ قانداي سەبەپپەن ەرتە شىققانىن تٷسٸندٸردٸ.
"پروتسەستٸك كەلٸسٸم جاسالدى. ول كودەكسٸمٸزدە 2014 جىلدان باستاپ ەندٸ. 2015 جىلدان باستاپ قولدانىلادى. بورانباەۆ قىلمىسى ەكونوميكالىق قىلمىس دەپ تانىلدى. سىبايلاس جەمقورلىق ەمەس, قاڭتار وقيعاسىنا قاتىسى بار سەكٸلدٸ اۋىر زارداپتارى جوق. سوندىقتان ول كەلتٸرٸلگەن شىعىندى ورنىنا كەلتٸردٸ. مەنٸڭ بٸلۋٸمشە, ول پروتسەستٸك كەلٸسٸم ارقىلى شىققان", - دەدٸ دەپۋتات.
سونىمەن قاتار, مەجٸلٸس دەپۋتاتى ەر ٶڭٸردٸڭ بٸر-بٸر بولات نازارباەۆى بولعانىن مەلٸمدەدٸ. بولات نازارباەۆ - ەكس-پرەزيدەنت نازارباەۆتىڭ تۋعان ٸنٸسٸ. جاقىندا بولات نازارباەۆ باقيلىق بولدى. الايدا باق بەتتەرٸ مەن قوعامدا ونىڭ تٷرلٸ قىلمىستىق ٸسكە قاتىسى بارى جيٸ ايتىلادى.
"پرەزيدەنتتٸڭ ٶزٸ جاڭا قازاقستان دەدٸ. ياعني ەسكٸ قازاقستان بولدى. جاڭا قازاقستان ەدٸلەتتٸ قازاقستان بولدى. ەسكٸ قازاقستاندا ەدٸلەتسٸزدٸكتەر ورىن الدى.
بٸز بەرٸمٸز ەدەتتە مارقۇم بولىپ كەتكەن بولات نازارباەۆتى ەسكە الامىز. ەربٸر ٶڭٸردە ٶزٸنٸڭ بٸر-بٸر بولات نازارباەۆى بولدى. سول ٶڭٸردٸ اشسا الاقانىنا, جۇمسا جۇدىرىعىنا ۇستاپ, ويىنا كەلگەنٸن ٸستەگەن جەنە ونى سوت ارقىلى زاڭداستىرىپ العان. بٸرەۋدٸڭ بيزنەسٸن تارتىپ الادى, بٸرەۋدٸ تاپسىرىسپەن سوتتاتىپ جٸبەرەدٸ, ونداعان جىلعا تٷرمەگە وتىرعىزىپ جٸبەرەدٸ", - دەدٸ زاڭگەر Usbanov ARNASY-نا بەرگەن سۇحباتىندا.
