Májilis depýtaty, zańger Abzal Quspan ár óńirdiń bir-bir Bolat Nazarbaevy bar ekenin aitty. Sondai-aq, ol sot júiesinde buǵan deiin qandai bylyqtar bolǵanyn áshkereledi, - dep habarlaidy Dalanews.kz.
Qoǵamdy eleń etkizgen oqiǵa - eks-ministr Bishimbaev isi. Byltyr ol áielin uryp óltirdi degen kúdikpen qamaýǵa alyndy. Qazir sot otyrysy ótip jatyr. Burynǵy ulttyq ekonomika ministri Qýandyq Bishimbaevtyń bul birinshi qylmystyq isi emes.
Ol 2018 jylǵy naýryzda 10 jylǵa bas bostandyǵynan aiyrylǵan bolatyn. Burynǵy sheneýnik para alý jáne aqsha jymqyrý isterinde aiypty dep tanylǵan edi. Bishimbaevtyń sot isi tórt aidan asa ýaqytqa sozyldy. Onymen birge bul iste 22 adam sotqa tartylǵan edi. Olar "Báiterek DEVELOPMENT" AQ eks-qyzmetkerleri, kásipkerler jáne qurylys kompaniialarynyń ókilderi boldy. Eks-sheneýnik 10 jylǵa sottalsa da, týra 19 ai ótkende bostandyqqa shyqty.
Abzal Quspan onyń bulai erte bosap shyǵýynyń qandai qupiiasy bar ekenin aitty.
"Merziminen buryn bosatýdyń eki formasy bar, birinshisi - merziminen buryn bosatý, ekinshisi - jeńil jazaǵa aýystyrý. Osy eki dúnie sybailas jemqorlyq sipatyndaǵy qylmystyq isterge qatysty qoldanylmaidy. Prezident janyndaǵy komissiia áli bar, dál qazir qalai jumys istep jatqanyn bilmeimin. Eks-prezidenttiń tusynda ol qatty jumys jasady.
Sottar myna jaqtan kinásin dáleldep, aq ter, kók ter bolyp, isti qylyp, adamdy sottaidy. Ol kezde Nazarbaevtan keshirim suraǵan sheneýnikter shyǵyp ketetin edi. Keshirim suramaǵan adamdar Ekspoǵa qatysty sottalǵan Ermegiiaev siiaqty áli kúnge jazasyn ótep jatyr.
Odan da zor qylmys jasaǵan adamdar búgin keshirim surap, ertesi kúni bosap ketken jaiy bar. Sondyqtan Bishimbaev merziminen buryn bosap shyqqan joq, prezidentten keshirim surap, prezidenttiń janyndaǵy komissiia arqyly bosap shyqty", - dep túsindirdi zańger Usbanov ARNASY-na bergen suhbatynda.
"Bai quda" Astananyń ortalyǵyndaǵy 4 juldyzdy qonaqúidi, basqa da biraz múlikti memleket menshigine tapsyrdy. Sonyń ishinde resmi derekterge súiensek, aýmaǵy bes myń sharshy metrden asatyn qonaqúi kesheniniń jyldyq ainalymy shamamen 900 million teńgeden asady eken.
Abzal Quspan Qairat Boranbaev qandai sebeppen erte shyqqanyn túsindirdi.
"Protsestik kelisim jasaldy. Ol kodeksimizde 2014 jyldan bastap endi. 2015 jyldan bastap qoldanylady. Boranbaev qylmysy ekonomikalyq qylmys dep tanyldy. Sybailas jemqorlyq emes, qańtar oqiǵasyna qatysy bar sekildi aýyr zardaptary joq. Sondyqtan ol keltirilgen shyǵyndy ornyna keltirdi. Meniń bilýimshe, ol protsestik kelisim arqyly shyqqan", - dedi depýtat.
Sonymen qatar, Májilis depýtaty ár óńirdiń bir-bir Bolat Nazarbaevy bolǵanyn málimdedi. Bolat Nazarbaev - eks-Prezident Nazarbaevtyń týǵan inisi. Jaqynda Bolat Nazarbaev baqilyq boldy. Alaida BAQ betteri men qoǵamda onyń túrli qylmystyq iske qatysy bary jii aitylady.
"Prezidenttiń ózi Jańa Qazaqstan dedi. Iaǵni Eski Qazaqstan boldy. Jańa Qazaqstan Ádiletti Qazaqstan boldy. Eski Qazaqstanda ádiletsizdikter oryn aldy.
Biz bárimiz ádette marqum bolyp ketken Bolat Nazarbaevty eske alamyz. Árbir óńirde óziniń bir-bir Bolat Nazarbaevy boldy. Sol óńirdi ashsa alaqanyna, jumsa judyryǵyna ustap, oiyna kelgenin istegen jáne ony sot arqyly zańdastyryp alǵan. Bireýdiń biznesin tartyp alady, bireýdi tapsyryspen sottatyp jiberedi, ondaǵan jylǵa túrmege otyrǵyzyp jiberedi", - dedi zańger Usbanov ARNASY-na bergen suhbatynda.
