تانىمال ەكونوميست, قوعام بەلسەندٸسٸ مۇحتار تايجان قازاقستان حالقى اسسامبلەياسىنىڭ قازاق قوعامىنا قاجەت بولماي قالعانىن ايتىپ وتىر. تەۋەلسٸزدٸكتٸڭ العاشقى جىلدارىندا ماڭىزدى بولعان وسىناۋ ينستيتۋت بٷگٸندە تەاترلاندىرىلعان قويىلىمعا ۇقساپ بارادى دەيدٸ ول ٶزٸنٸڭ Facebook-پاراقشاسىندا.
تايجاننىڭ جازۋىنشا, قازاقستاندا 140 ۇلت پەن ۇلىس ٶكٸلدەرٸ تۇرادى دەگەن اقپارات تا شىندىققا جاناسپايدى. مۇنى ول كوممۋنيستٸك كەزەڭنەن قالعان اسىرا سٸلتەۋشٸلٸككە بالاپ وتىر.
«بۇل ينستيتۋت بٸزگە 25-20-15 جىل بۇرىن قاجەت بولسا بولعان شىعار. ول كەزدە قازاقتاردىڭ ەلدەگٸ ٷلەس سالماعى 38-50 پايىز ارالىعىندا ەدٸ. ال, قازٸر دەموگرافييالىق جاعدايدىڭ كٷرت ٶزگەرۋٸنە بايلانىستى (قازاقتاردىڭ سانى 77 پايىزدى قۇرايدى) قحا جاساندىلىققا بوي الدىرىپ بارادى. تۋراسىن ايتايىق, بٸزدٸڭ ەلدە 140 ۇلتتىڭ ٶكٸلٸ تۇرمايدى», - دەيدٸ ول ٶزٸنٸڭ جازباسىندا.
ونىڭ ايتۋىنشا, ەلدە بٸر ۇلتتىڭ بٸر عانا ٶكٸلٸ تۇرسا دا, ونى دياسپورالار قاتارىنا قوسىپ, 140 ۇلتان تۇراتىن اسسامبلەيانى جاساپ شىعارعان. ال, سول اسسامبلەيانىڭ 10 ٶكٸلٸ مەجٸلٸسكە دەپۋتات بولىپ تاعايىندالادى.
م.تايجان سونداي-اق, قازاق بالالارىنا ٶزگە ۇلت ٶكٸلدەرٸنٸڭ كيٸمدەرٸن كيگٸزٸپ, ەلدەگٸ كٶپۇلتتىلىقتى كٶرسەتۋدٸڭ قاجەتٸ جوق ەكەنٸن دە ايتىپ وتىر. مۇنداي بۋتافورييانىڭ كٸمگە كەرەگٸ بار دەيدٸ ول.
«ەرينە, ەر ۇلتتىڭ ٶكٸلٸ ٶزٸنٸڭ ۇلتتىق كيٸمٸن كيٸپ جٷرۋگە قۇقىلى. بٸراق, سول ۇلتتاردىڭ ٶكٸلدەرٸن مەكتەپتەردەن, اۋىلدار مەن قالالاردان تاپپاساق, ونىڭ ۇلتتىق كيٸمٸن قازاق بالاسىنا كيگٸزۋدٸڭ نە قاجەتٸ بار? بۇل بارىپ تۇرعان مازاق قوي. قازاقستاندا مەملەكەتتٸ قالىپتاستىرۋشى بٸر عانا ۇلت بار, ول - 13 ميلليونعا جەتٸپ قالعان قازاق حالقى. كەز كەلگەن ٶزگە مەملەكەتتەردەگٸ سەكٸلدٸ بٸزدە دە دياسپورالار بار, ولار ٶز تٸلٸن, دٸنٸن, مەدەنيەتٸ مەن دەستٷرٸن ساقتاۋعا قۇقىلى. بٸراق, قازٸرگٸ جاستار ۇلتىنا قاراماستان مەملەكەتتٸك تٸلدٸ ٷيرەنۋٸ كەرەك, قازاقشا سٶيلەۋٸ كەرەك. مەملەكەت سوعان مٸندەتتەۋٸ تيٸس», - دەيدٸ مۇحتار تايجان.
ونىڭ پٸكٸرٸنشە, قازاقستان حالقى اسسامبلەياسىنىڭ تاراۋىنا كٶپ ۋاقىت قالعان جوق. ەلدەگٸ دەموگرافييالىق جاعداي سوعان ەكەلە جاتىر.
«بٸز ەۋروپالىق ٷلگٸدە ۇلتتىق-دەموكراتييالىق قۇقىقتىق مەملەكەت قالىپتاستىرۋىمىز قاجەت», - دەپ جازدى ەكونوميست ٶزٸنٸڭ پاراقشاسىندا.
ايتا كەتەيٸك, كەشە استانادا قازاقستان حالقى اسسامبلەياسىنىڭ كەزەكتٸ سەسسيياسى ٶتٸپ, وعان ەلٸمٸزدٸڭ ەر ايماعىنان كەلگەن 1,5 مىڭنان استام ادام قاتىستى.
دەرەككٶز: sn.kz
