قۋاندىق بيشٸمباەۆتىڭ بۇرىنعى جۇبايى نازىم قاھارمان بۇرىنعى ەنەسٸ الميرا نۇرلىبەكوۆانىڭ ٶزٸنەن شامامەن 25 ميلليون تەڭگە ٶندٸرۋ تۋرالى سوتقا تالاپ-ارىز بەرگەنٸن ايتتى. بۇل تۋرالى ول ەلەۋمەتتٸك جەلٸدەگٸ پاراقشاسىندا مەلٸمدەدٸ, دەپ حابارلايدى dalanews.kz.
نازىم قاھارماننىڭ ايتۋىنشا, داۋ 2011 جىلدان بەرٸ ٶزٸ باسقارعان فيتنەس-كلۋبقا بايلانىستى تۋىنداعان. ونىڭ سٶزٸنشە, سول كەزدە بۇرىنعى ەنەسٸمەن سەنٸمگەرلٸك باسقارۋ تۋرالى كەلٸسٸم جاسالعان.
«نەكەدە تۇرعان كەزدە بۇرىنعى كٷيەۋٸمنٸڭ تۋىستارى بيزنەستەن تٷسكەن تابىسقا قاتىستى ەشقانداي تالاپ قويعان جوق. الايدا ارادا بٸرنەشە جىل ٶتكەن سوڭ بۇرىنعى ەنەم بۇل قاراجاتتى سوت ارقىلى ٶندٸرٸپ الۋعا ەرەكەت جاساپ وتىر. ماعان شامامەن 25 ميلليون تەڭگە كٶلەمٸندە تالاپ-ارىز تٷستٸ. بۇل – سوڭعى ەكٸ جىل ٸشٸندە ماعان قارسى بەرٸلگەن تٶرتٸنشٸ تالاپ», – دەدٸ نازىم قاھارمان.
ونىڭ ايتۋىنشا, ەكٸنشٸ بالاسى دٷنيەگە كەلگەننەن كەيٸن كورپوراتيۆتٸك قىزمەتتەن كەتٸپ, بۇرىنعى كٷيەۋٸنٸڭ اناسىنىڭ اتىنا رەسٸمدەلگەن عيماراتتاعى فيتنەس-كلۋبتى دامىتۋعا كٸرٸسكەن. سول كەزدە مۇنداي كەلٸسٸمنٸڭ كەيٸن قۇقىقتىق سالدارى بولۋى مٷمكٸن ەكەنٸن ويلاماعانىن جەتكٸزدٸ.
قاھارمان بۇرىنعى ەنەسٸنٸڭ قارجىلىق تالابى فيتنەس-كلۋب قىزمەتٸنەن تٷسكەن تابىسقا قاتىستى ەكەنٸن ايتتى. سونىمەن قاتار ول بۇل جاعدايعا بايلانىستى ٶز پٸكٸرٸن بٸلدٸرٸپ, جانجالدىڭ سەبەبٸ رەتٸندە وتباسىلىق قارىم-قاتىناستاردى اتادى.
ايتا كەتەيٸك, بۇرىنعى ۇلتتىق ەكونوميكا مينيسترٸ قۋاندىق بيشٸمباەۆ 2023 جىلى جۇبايى سالتانات نٷكەنوۆانى ٶلتٸرگەنٸ ٷشٸن سوت ٷكٸمٸمەن 24 جىلعا باس بوستاندىعىنان ايىرىلعان.
