بەلگٸلٸ سپورت جۋرناليسٸ اسلان قاجەنوۆ استاناداعى يپپودرومنىڭ جەكەمەنشٸككە ٶتۋٸنە قاتىستى جازباسىنان كەيٸن ٶزٸنە تٷرلٸ قوڭىراۋلار تٷسە باستاعانىن مەلٸمدەدٸ, دەپ حابارلايدى dalanews.kz.
جۋرناليستٸڭ ايتۋىنشا, ەزٸرگە وعان ەشكٸم قوقان-لوقى كٶرسەتپەگەن, الايدا ەسكەرتۋ سيپاتىنداعى حابارلامالار كٶبەيگەن.
«كەشە ەلورداداعى يپپودرومنىڭ تەحنيچنو جەكەگە ٶتٸپ كەتكەنٸن جازعان ەدٸم. سودان كەيٸن تٷرلٸ قوڭىراۋلار كەلٸپ جاتىر. قورقىتۋ-ٷركٸتۋ ەمەس. ەزٸرگە ەسكەرتۋ», – دەپ جازدى ول ەلەۋمەتتٸك جەلٸدەگٸ پاراقشاسىندا.
بۇعان دەيٸن اسلان قاجەنوۆ استاناداعى يپپودرومنىڭ جەكەمەنشٸككە ٶتكەنٸن جەنە وسىدان كەيٸن قىزمەت قۇنىنىڭ كٷرت ٶسكەنٸن ايتقان بولاتىن. ونىڭ مەلٸمەتٸنشە, كٶكپاردان ۇلتتىق قۇرامانىڭ وقۋ-جاتتىعۋ جيىنىن ٶتكٸزۋ ٷشٸن قورانى جالعا الۋ قۇنى 12,3 ميلليون تەڭگەگە دەيٸن كٶتەرٸلگەن. ال بۇعان دەيٸن بۇل قىزمەتتەر مەملەكەتتٸك نىسان بولعاندىقتان تەگٸن كٶرسەتٸلٸپ كەلگەن.
جۋرناليست جاڭا جازباسىندا تاعى بٸر مەسەلەگە نازار اۋداردى. ونىڭ ايتۋىنشا, جەكەمەنشٸككە ٶتكەن يپپودرومدى كٷتٸپ-ۇستاۋعا جىل سايىن شامامەن 600 ميلليون تەڭگە بٶلٸنەدٸ.
«مەندەگٸ اقپارات بويىنشا, جەكەگە ٶتٸپ كەتكەن يپپودرومدى كٷتٸپ-ۇستاۋعا جىل سايىن 600 ميلليون تەڭگەدەن بٶلٸنەدٸ. قالا ەكٸمدٸگٸنەن, ياعني سٸز بەن بٸزدٸڭ سالىعىمىزدان. ونى قالاي تٷسٸنۋگە بولادى?» – دەدٸ ول.
سونداي-اق قاجەنوۆ يپپودرومدى كەزٸندە ERG كومپانيياسى سالىپ بەرگەنٸن, كەيٸن ەكٸمدٸك ونى شامامەن 15-16 ميلليارد تەڭگەگە ساتىپ العانىن العا تارتتى. ونىڭ سٶزٸنشە, ەندٸ نىساننىڭ قايتادان جەكەمەنشٸككە بەرٸلۋٸ قوعامدا كٶپتەگەن سۇراق تۋعىزۋدا.
جۋرناليست مەملەكەتتٸك قاراجاتقا سالىنعان جەنە قوعامدىق يگٸلٸك رەتٸندە پايدالانىلعان نىساننىڭ قانداي شارتتارمەن جەكەمەنشٸككە ٶتكەنٸن تٷسٸندٸرۋ قاجەت دەپ ەسەپتەيدٸ.
ەزٸرگە استانا يپپودرومىنىڭ مەنشٸك قۇقىعىنىڭ ٶزگەرۋٸنە قاتىستى رەسمي ورگاندار تاراپىنان تٷسٸنٸكتەمە بەرٸلگەن جوق.
