- بٷگٸنگٸ تاڭدا قحر-دان قازاقستانعا 25 858 ادام كەلدٸ, ولار - بٸزدٸڭ ەلدٸڭ جەنە شەتەلدٸك ازاماتتار. ولاردىڭ بارلىعىنا قاتىستى دەرەكتەر جەرگٸلٸكتٸ اتقارۋشى ورگاندارداعى باقىلاۋ كوميتەتتەرٸنە جٸبەرٸلٸپ, سول ازاماتتارعا قوڭىراۋ شالىنادى.
بٷگٸنگٸ كٷنٸ 23 ادامنىڭ ىستىعى بارى انىقتالدى, ولاردىڭ 7-ٸ باقىلاۋدا, 4 ادام تٷرلٸ ينفەكتسييا كٷدٸگٸمەن اۋرۋحاناعا جاتقىزىلدى, قاننان اناليز الىندى.
بٸز, نەگٸزٸنەن, جرۆي-گە كٷدٸكتەنٸپ, ولاردى اۋرۋحاناعا جاتقىزدىق. تولىق دياگنوستيكا ٷش كٷن ٸشٸندە جاسالادى, - دەدٸ بٸرتانوۆ.
ول 6 قاڭتاردان باستاپ باس مەملەكەتتٸك سانيتارلىق ينسپەكتور شەشٸمٸمەن ينفەكتسييانىڭ تارالۋىن بولدىرماۋ ٷشٸن باقىلاۋ كٷشەيتٸلٸپ جاتقانىن ەسكە سالدى.
مينيستر مۇنداي شارالار, ەڭ الدىمەن, قازاقستانعا سىرتتان كەلگەن بارلىق ازاماتتاردى تەكسەرۋ, بارلىق شەكارالىق ٶتكٸزۋ پۋنكتتەرٸندەگٸ باقىلاۋدى كٷشەيتۋ ارقىلى جٷزەگە اسىرىلعانىن ايتتى.
- ەگەر ٸندەتكە يە بولا الماي قالعان جاعدايدا 4,5 مىڭنان استام ورىن دايىن. بۇل بٷكٸل ەلٸمٸز بويىنشا بار تٶسەك-ورىن, ودان بٶلەك بارلىق ايماقتاردا جاتتىعۋلار ٶتكٸزٸلدٸ, مەديتسينالىق قىزمەتكەرلەر اراسىندا قوسىمشا تٷسٸندٸرۋ جۇمىستارى جٷرگٸزٸلٸپ جاتىر, - دەدٸ مينيستر.
سونداي-اق, ول ناۋقاستار سانى كٶبەيگەن جاعدايدا مەملەكەت رەزەرۆٸنەن قوسىمشا قارجى سۇرايتىندارىن ايتتى.
- بٸز ناۋقاستار سانى كٷرت ارتسا قوسىمشا ٷكٸمەت رەزەرۆٸنەن قارجى سۇرايمىز. مۇندايدا جەكە قورعانىس قۇرالدارى, مەديتسينالىق ماقساتتاعى بۇيىمدار مەن دەزينفەكتسييالىق قۇرالدار قوسىمشا ساتىپ الىنادى. بٸز دەرٸ-دەرمەكتەر مەن مەديتسينالىق ماقساتتاعى بۇيىمداردىڭ قوسىمشا رەزەرۆتەرٸن قۇردىق, - دەدٸ دەنساۋلىق ساقتاۋ مينيسترلٸگٸنٸڭ باسشىسى.
مينيستر قىتايدان كەلگەن بارلىق قازاقستاندىقتارعا تۇرعىلىقتى جەرٸ بويىنشا مەديتسينالىق مەكەمەلەرگە بارىپ, جەرگٸلٸكتٸ تەراپەۆتكە قارالۋدى سۇرايدى.
- قىتايدان كەلگەن بارلىق قازاقستان ازاماتتارىنا قۇلاققاعىس ەتەمٸز. بارلىعىڭىزعا بٸردەي قوڭىراۋ شالىپ, حابارلاسۋ مٷمكٸن بولماۋى ىقتيمال, سوندىقتان ٶز بەتتەرٸڭٸزشە جاقىن ماڭداعى ەمحانالارعا بارىپ, دەرٸگەرلەرگە تٸركەلٸپ, دەنساۋلىقتارىڭىزعا قاتىستى مەسەلە بار-جوعىن بٸلٸپ-سۇراڭىزدار. بۇل ٶز قاۋٸپسٸزدٸكتەرٸڭٸز ٷشٸن عوي, بٸزدٸڭ ماماندار بٸردەن قاداعالاۋعا الادى, اياق-استى دەنساۋلىعىڭىز ناشارلاسا, بٸردەن قابىلدايدى ولار, - دەپ سٶزٸن تٷيٸندەدٸ بٸرتانوۆ.
