زامان ۇشىنىپ، جان-جاعىمىزدا داۋىل تۇرىپ جاتقان شاقتا حالىقتىڭ ەرتەڭگە دەگەن سەنىمىن كۇشەيتۋ قاجەت. ال بۇل كۇرەسپەن كەلەتىن دۇنيە.
"قازىرگى قيىن-قىستاۋ زاماندا بىزگە كەرەگى بىرلىك. گەوساياسي جاعداي اسقىنىپ تۇرعاندا، شاڭىراعىمىزدى شايقاپ الماۋدى ءبىرىنشى كەزەكتە ويلاۋىمىز قاجەت.
بىرلىك قاي زاماندا دا، قاي قوعامدا دا كەرەك. بۇل تۇرعىدا قاڭتار وقيعاسى قازاقستاننىڭ تاۋەلسىزدىك تاريحىندا بولىپ كورمەگەن اۋىر سىناق بولدى. تاۋەلسىزدىكتىڭ تاعدىرى قىل ۇستىندە تۇرعانى راس، ەل ىرگەسى سوگىلۋگە شاق قالدى. ءبىز بۇل سىناقتان حالىقتىڭ بىرلىگى مەن پرەزيدەنتتىڭ ەرلىگى ارقاسىندا شىقتىق»، – دەدى Dalanews-كە پىكىر بىلدىرگەن ءماجىلىس دەپۋتاتى.
ونىڭ ايتۋىنشا بىرلىكتى ساقتاۋ پرەزيدەنت توقايەۆتىڭ ساياسي ستراتەگياسىنىڭ باستى باعىتى. ەل ىشىندە دۇربەلەڭ بولدىرماۋ ءۇشىن جاڭا قازاقستان بيلىگى قاجەتتى شارالاردى قولعا الۋدا.
"بۇل تۇرعىدا حالىق اسسامبلەيادان بەلسەندىلىك كۇتەدى. پارلامەنت قابىرعاسىندا اسسامبلەيا اتىنان سايلانعان دەپۋتاتتار بولسىن، اسسامبلەيا قاتارىنداعى قوعام بەلسەندىلەرى بولسىن جاڭا قازاقستاننىڭ قابىرعاسىن قالاسۋعا اتسالىسۋى قاجەت. ەلىمىزدە تۇراتىن كوپتەگەن ەتنوس وكىلدەرىنىڭ ساناسىندا وزگەرىس بولمايىنشا، بىرلىك تە بەكەم بولمايدى.
اسسامبلەياعا جاڭا قازاقستاننىڭ باعىتىمەن ءجۇرۋى قاجەت. «وتانىمىز ءبىر، تاعدىرىمىز ءبىر» دەگەن جالپىلاما ۇرانداردان ارىلاتىن ۋاقىت جەتتى. اسسامبلەيا مۇشەلەرى قازاقستاننىڭ ساياسي رەفورمالارىنا ءۇن قوسۋىن كۇتىپ وتىرمىز»، – دەدى حالىق قالاۋلىسى.
ساۋىتبەك مىرزانىڭ اتاپ وتكەنىندەي سىرتتاعى كيكىلجىڭدەر قازاقستانعا اسەت ەتپەيتىن يممۋنيتەت قالىپتاستىرعانىمىز ءجون. بۇل ءۇشىن وتانشىلدىق اتتى تۇسىنىكتى جاڭا قىرىنان تانۋعا ءتيىسپىز.
دەپۋتاتتىڭ پىكىرىنشە وسى ۇعىمدى ءالى كۇنگە جەتە تۇسىنبەيتىندەر بارشىلىق. وتانشىلدىقتىڭ تاعى ءبىر ماعىناسى ەلىڭ، وتانىڭ ءۇشىن ماقتانۋ.
«الايدا بۇل ءۇشىن ماقتانۋعا تۇرارلىق نارسە بولۋى قاجەت. جاسىرىپ جابارى جوق، سان ءتۇرلى سەبەپتەرگە بايلانىستى سوڭعى جىلدارى اۋىز تولتىرىپ ايتارلىق جەتىستىكتەرىمىز ازايىپ قالدى. ءيا، وتكەن وتىز جىلدا ءجۇرىپ وتكەن جولىمىزدى جوققا شىعارۋعا بولمايدى. دەسە دە، وسى كۇنگە دەيىن مالدانىپ كەلگەن نارسەلەرىمىز ماقتانۋعا تۇرمايتىن نارسەلەر ەكەندىگى بەلگىلى بولدى. «مەن ەلىممەن ماقتانامىن» دەگەن جالپىلاما ءسوز، جالاڭ ۇراڭ. نەسىمەن ماقتانامىز؟ وسىعان ويلاندىق پا؟ شىنى كەرەك، سوندايدا ايتاتىن ءسوز تاپپاي قىسىلاسىڭ. بۇدان بىلاي ماقتاناتىن نارسەمىز كوپ بولۋى قاجەت.
ءدال ءقازىر حالىق جاڭا قازاقستاننان الەۋمەتتىك-ەكونوميكالىق رەفورمالاردى جەدەلدەتىپ جۇرگىزۋدى كۇتەدى. قازاقستان قازىرگى پوتەنسيالىمەن بۇگىنگىدەن باي، داۋلەتتى مىقتى مەملەكەت بولا الادى»، – دەيدى دەپۋتات.
ماجىلىسمەننىڭ پىكىرىنشە بۇگىندەرى «ءارتۇرلى كوزقاراس، ءبىراق ءبىرتۇتاس ۇلت» دەگەن پرەزيدەنت توقايەۆتىڭ كونسەپسياسى وتە وزەكتى. ءقازىر ءبىر ۇلتقا اينالۋ، ءبىر ۇلتقا ۇيىسۋ، سول ۇلتتىڭ ۇيىتقىسى قازاق حالقىنىڭ توڭىرەگىنە توپتاسۋ مىندەتى ماڭىزدى.
«ەلدەگى ءتۇبىرلى وزگەرىستەر ءۇشىن ەڭ الدىمەن مەملەكەت قۇراۋشى ۇلت جاۋاپتى بولۋى كەرەك. الەمدىك احۋال اۋىرلاپ بارادى. سانكسيالار سوعىسى قازاقستانعا تىكەلەي اسەر ەتپەيدى دەپ ايتا المايمىز. قىمباتشىلىق كەلىپ جاتىر. وسىنداي جاعدايدا حالىقتىڭ جۇيكەسى بۇرىنعىدان دا جۇقارا تۇسەدى. ەل ءارتۇرلى سوزگە ەرگىش بولا تۇسەدى. وسىنداي كەزدە اسسامبلەيا ەرەكشە جاۋاپتىلىق تانىتۋ قاجەت. ەلدەگى احۋالدى وزگەرتۋگە ۇكىمەتتىڭ الەۋەتى جەتەرىنە جۇرتتىڭ كوزىن جەتكىزىپ، كوڭىلىن سەندىرۋ ماڭىزدى»، – دەيدى ساۋىتبەك ءابدىراحمانوۆ.
