وبلىس اكىمى نۇرلىبەك نالىبايەۆتىڭ توراعالىعىمەن قىزىلوردا وبلىستىق قازاقستان حالقى اسسامبلەياسىنىڭ «بىرلىك پەن كەلىسىم جولىنداعى 30 جىل» تاقىرىبىنداعى ححVءىى سەسسياسى ءوتتى. وعان ق ر پارلامەنتى ءماجىلىسىنىڭ دەپۋتاتتارى قاراقات ابدەن، مۇرات ابەنوۆ، مۇرات ەرگەشبايەۆ، وبلىستىق ءماسليحات دەپۋتاتتارى، قالا جانە اۋدان اكىمدەرى، وبلىستىق باسقارما باسشىلارى، ساياسي پارتيا فيليالدارىنىڭ جەتەكشىلەرى، ەتنومادەني بىرلەستىكتەردىڭ ءتوراعالارى، ۇكىمەتتىك ەمەس ۇيىمدار مەن وبلىستىق اسسامبلەيا قۇرىلىمدارىنىڭ جەتەكشىلەرى، بۇقارالىق اقپارات قۇرالدارىنىڭ وكىلدەرى، جاستار قاتىستى،- دەپ حابارلايدى Dalanews.kz
ايماق باسشىسى قازاقستان حالقى اسسامبلەياسىنىڭ 30 جىلدىعىنا وراي وڭىردە قولعا الىنعان جۇمىستارعا توقتالدى.
«اسسامبلەيانىڭ 30 جىلدىعىنا «قازاتومپروم» ۇلتتىق اتوم كومپانياسى» اكسيونەرلىك قوعامىنىڭ قولداۋىمەن 3 ملرد. 800 ملن. تەڭگەگە «دوستىق ءۇيىنىڭ» جاڭا عيماراتى سالىنۋدا. ساۋلەتتى عيماراتتىڭ ىرگەتاسىن وزدەرىڭىزبەن بىرگە 1 مامىر – قازاقستان حالقىنىڭ بىرلىگى كۇنى قالاعان بولاتىنبىز. نىسان قاراشا ايىندا ەل يگىلىگىنە بەرىلەدى. وزدەرىڭىزگە بەلگىلى، وتكەن 2024 جىلدى وڭىرىمىزدە «رۋحانيات جىلى» دەپ جاريالاپ، مادەني-كوپشىلىك شارالارمەن بىرگە كوپتەگەن اۋقىمدى جوبانى جۇزەگە اسىردىق. بارلىق 7 اۋداندا ىشىندە قوعامدىق كەلىسىم كابينەتتەرى، نەكە قيۋ زالى، كىتاپحانا، مۋزەي، ارحيۆ، جاستار سارايى، ارداگەرلەر مەن انالار ءۇيى بار «رۋحانيات ورتالىقتارى» سالىندى.
ءبىر مۇرات، ءبىر مۇددە جولىندا تىنىمسىز ەڭبەك ەتۋ – بارشامىزدىڭ ازاماتتىق مىندەتىمىز. دوستىقتى تۋ ەتكەن، جاسامپازدىق پەن ورلەۋ جولىنداعى ايشىقتى ىستەرىمىز كوپكە ۇلگى بولا بەرگەي! بىرلىگىمىز بەكەم، تىرلىگىمىز تولىمدى بولسىن!»، – دەدى نۇرلىبەك ماشبەك ۇلى.
سەسسيادا ەتنوسارالىق كەلىسىمدى ودان ءارى نىعايتۋداعى جۇمىس باعىتى ايقىندالدى. ايماق باسشىسى وڭىردەگى ەتنوسارالىق جۇمىس جوسپارىن جان-جاقتى تالداپ، ونىڭ تيىمدىلىگىن ارتتىرۋ ماقساتىندا ناقتى ۇسىنىستار ازىرلەۋدى جانە كەڭەس وتىرىستارىن جۇيەلى تۇردە وتكىزۋدى تاپسىردى. سونىمەن بىرگە، جاڭادان بوي كوتەرەتىن «دوستىق ءۇيىن» تۋريستىك باعىتتارعا قوسىپ، ونى بىرلىك پەن ىنتىماقتى ناسيحاتتايتىن زاماناۋي مادەني-يدەولوگيالىق ورتالىققا اينالدىرۋ مىندەتى قويىلدى.
جيىندا ق ر پارلامەنتى ءماجىلىسىنىڭ دەپۋتاتى مۇرات ابەنوۆ، وبلىستىق قازاقستان حالقى اسسامبلەياسى ءتوراعاسىنىڭ قوعامدىق نەگىزدەگى ورىنباسارى ديلفۋرا بايراحتاروۆا، «DaRALAce» شىعارماشىلىق ءۇيىنىڭ نەگىزىن قالاۋشى، «شاپاعات» مەدالىنىڭ يەگەرى سۆەتلانا سوي، وبلىستىق قازاقستان حالقى اسسامبلەياسى جانىنداعى جۋرناليستەر مەن ساراپشىلار كلۋبىنىڭ مۇشەسى اينۇر تۇڭعىشبايەۆا پىكىر ءبىلدىردى.
اسسامبلەيانىڭ 30 جىلدىعى اياسىندا ءبىرقاتار ازامات قازاقستان حالقى اسسامبلەياسىنىڭ مەرەكەلىك مەدالىمەن، ق ر پرەزيدەنتى اكىمشىلىگى اسسامبلەيا حاتشىلىعىنىڭ العىس حاتىمەن، سونداي-اق وبلىس اكىمىنىڭ قۇرمەت گراموتاسى جانە العىس حاتىمەن ماراپاتتالدى.
