ونىڭ ايتۋىنشا، قازاق تىلىندە وقىتاتىن مەكتەپتەردە ءبىرىنشى سىنىپتان باستاپ تەك قازاق ءتىلى، ال ورىس تىلىندە وقىتاتىن ءبىلىم وردالارىندا قازاق جانە ورىس تىلدەرى عانا وقىتىلادى.
– زەرتتەۋ جۇمىستارىن جۇرگىزگەننەن كەيىن، ءبىرىنشى سىنىپ وقۋشىسىنا ءۇش ءتىلدى قاتار مەڭگەرۋ قيىن ەكەنىن كوردىك. بۇل ءتيىمسىز. ەندى قازاق تىلىندە وقىتاتىن مەكتەپتەردە ءبىرىنشى سىنىپتا بالا ءبىر عانا ءتىلدى – قازاق ءتىلىن مەڭگەرەدى، ياعني، ول الدىمەن انا تىلىندە وقىپ، جازۋدى ۇيرەنەدى.
ەكىنشى سىنىپتا باعدارلاماعا ورىس ءتىلى، ال ءۇشىنشى سىنىپتا اعىلشىن ءتىلى قوسىلدى. ورىس تىلىندە وقىتاتىن مەكتەپتەرگە كەلسەك، وندا ءبىرىنشى سىنىپتا تيىسىنشە ورىس ءتىلى مەن مەملەكەتتىك ءتىل، ال ءۇشىنشى سىنىپتان باستاپ اعىلشىن ءتىلى وقىتالادى، – دەدى مينيستر.
سونداي-اق، ءبىلىم مينيسترلىگىنىڭ باسشىسى بيىلدان باستاپ «كوركەم ەڭبەك» ءپانىن «ەڭبەك» جانە «بەينەلەۋ ونەرى» دەگەن ەكى ءتۇرلى پانگە ءبولۋ جوسپارلانىپ وتىرعانىن ايتتى. 2024 جىلدان باستاپ مەكتەپتەردە «قازاق ءتىلى مەن ادەبيەتى» ءپانى دە ەكىگە ءبولىنىپ وقىتالىن بولادى.
