Onyń aitýynsha, qazaq tilinde oqytatyn mektepterde birinshi synyptan bastap tek qazaq tili, al orys tilinde oqytatyn bilim ordalarynda qazaq jáne orys tilderi ǵana oqytylady.
– Zertteý jumystaryn júrgizgennen keiin, birinshi synyp oqýshysyna úsh tildi qatar meńgerý qiyn ekenin kórdik. Bul tiimsiz. Endi qazaq tilinde oqytatyn mektepterde birinshi synypta bala bir ǵana tildi – qazaq tilin meńgeredi, iaǵni, ol aldymen ana tilinde oqyp, jazýdy úirenedi.
Ekinshi synypta baǵdarlamaǵa orys tili, al úshinshi synypta aǵylshyn tili qosyldy. Orys tilinde oqytatyn mektepterge kelsek, onda birinshi synypta tiisinshe orys tili men memlekettik til, al úshinshi synyptan bastap aǵylshyn tili oqytalady, – dedi ministr.
Sondai-aq, Bilim ministrliginiń basshysy biyldan bastap «Kórkem eńbek» pánin «Eńbek» jáne «Beineleý óneri» degen eki túrli pánge bólý josparlanyp otyrǵanyn aitty. 2024 jyldan bastap mektepterde «Qazaq tili men ádebieti» páni de ekige bólinip oqytalyn bolady.
