بٸرٸككەن ٸستە بەرەكە بار
وسىدان ٷش جىل بۇرىن جامبىل وبلىسىندا ورنالاسقان شۋ اۋدانىندا «بەرەكەلٸ - 2016» كووپەراتيۆٸ قۇرىلدى. كووپەراتيۆتٸ ۇيىمداستىرعان – بۇعان دەيٸن ەگٸن ەگٸپ, مال ٶسٸرۋ ارقىلى جەكە شارۋا قوجاعىلىعىن دٶڭگەلەتٸپ وتىرعان ٸسكەر ازامات دٸنمۇحاممەد ەلٸمقوجاەۆ بولاتىن. كووپەراتيۆتٸڭ نەگٸزگٸ ماقساتى – مال بورداقىلاۋمەن اينالىسىپ, جالپى ەت ٶندٸرٸسٸن جولعا قويۋ. قاي ٸستٸ بولماسىن ٷيٸرٸپ ەكەتەتٸن ٸسكەر ازامات دٸنمۇحاممەد شاعىن شارۋا قوجالىعىن كەڭەيتۋدٸ بٸرازدان بەرٸ ويلاپ جٷرگەن ەدٸ. العاشىندا ٶزٸنە تيەسٸلٸ ەگٸستٸگٸنە ەگٸن ەگٸپ, قولداعى بار مالىن باققاننان بٸرقالىپتى تٸرشٸلٸگٸ دٷرٸلدەپ كەتپەسٸن تٷسٸنگەن بولۋى كەرەك. مەملەكەت تاراپىنان كووپەراتيۆ قۇرۋعا, اۋىلشارۋاشىلىعىنا, ونىڭ ٸشٸندە وتاندىق ەت ٶندٸرٸسٸن دامىتۋعا ايرىقشا كٶڭٸل بٶلٸنٸپ وتىرعانى ونى اۋىل تۇرعىندارىمەن بٸرلەسە جۇمىس اتقارۋعا يتەرمەلەگەن. قازٸرگٸ تاڭدا كووپەراتيۆ مٷشەلٸگٸندە جيىرمانىڭ تٶڭٸرەگٸندە جەكە قوسالقى شارۋاشىلىق بار. ولاردىڭ ەرقايسىسى اۋىلشارۋاشىلىعىن قولداۋ قورى ارقىلى 6 پايىزبەن 4 ميلليون تەڭگە كٶلەمٸندە نەسيە العان. جالپى سانى 20 ادام 63 ملن 900 مىڭ تەڭگە نەسيە الىپ, وسى شارۋاشىلىقتاردا 300-دەن اسا ٸرٸ قارا مال بورداقىلانعان. ەزٸرگە ٸشكٸ نارىق كٶلەمٸندە جۇمىس جاساۋدا. دٷنمۇحامەد ەدٸلحانحوجاۇلىنىڭ ايتۋىنشا, بٸر-ەكٸ جىلدىڭ شاماسىندا مال باسىن ەكٸ ەسەگە كٶبەيتٸپ, ەت ٶندٸرەتٸن ٸرٸ فابريكالارمەن بٸرلەسە جۇمىس جاساماقشى.
ودان بٶلەك, ٸرٸ قارانى ەتكە ٶتكٸزۋ ٷشٸن «بەرەكەلٸ-2016» كووپەراتيۆٸ اۋدانداعى بازارلارمەن دە كەلٸسٸمشارت جاساسقان. مەملەكەت بەرٸپ وتىرعان مٷمكٸندٸكتٸ تيٸمدٸ پايدالانىپ وتىرعان شۋلىق شارۋالار قازٸردٸڭ ٶزٸندە قورا جايلارىن كەڭەيتٸپ, مال باسىن دا ارتتىرا باستاعان.
بٸرلەسە وتىرىپ جۇمىس ٸستەۋ كٶلەمدٸ, ەرٸ تيٸمدٸ. مەملەكەت ارقىلىقارجىلاندىرۋ وڭتايلى جەنە جٷيەلٸ بولۋ ٷشٸن بٸرٸگۋ - بٷگٸنگٸ تاڭداعى ٷلكەن قاجەتتٸلٸكتٸڭ بٸرٸ. ٷلكەن شارۋاشىلىق كٶلەمدٸ جۇمىس تىندىراتىنىن دا ەستەن شىعارماعان ابزال. كووپەراتيۆكە بٸرٸككەن تۇستا شارۋا قوجالىقتارىنىڭ دەربەستٸگٸ ٶزٸندە قالادى, مالىنا, جەرٸنە, ەسەپ شوتىنا, ٷيٸنە, قوراسىنا ەشكٸم سوقتىقپايدى. بٷگٸندە شارۋالاردىڭ باستى قاۋپٸ وسى عانا. بٸرٸگەر الدىنداعى باسقوسۋلاردا باسىن اشىپ الاتىن نەرسە دە وسى. كووپەراتيۆتەر اگرارلىق نەسيەلەردٸ, مال شارۋاشىلىعى ٶنٸمدەرٸنە, مال ازىعىن دايىنداۋعا بەرٸلەتٸن سۋبسيدييالاردى وڭاي الادى. مٸنە, وسىنىڭ بارلىعىن ەسكەرٸپ, الاقانداي اۋىلداعى ٸسكەر ازاماتتاردىڭ باسىن قوسۋ ارقىلى كووپەراتيۆ قۇرعان دٷنمۇحاممەد ەلٸمقوجاەۆ ٶزٸنٸڭ عانا ەمەس, بٸرنەشە شارۋا قوجالىقتىڭ شارۋاسىن شالقىتىپ وتىر.
