قاراعاندىدا اسىراپ العان جەتٸم بالالاردى قورلاعان وتباسى سوتتالىپ جاتىر, - دەپ حابارلايدى Dalanews.kz.
"كتك" ارناسى مەلٸمەتٸنشە, قاراعاندىدا جەتٸمدەر ٷيٸنەن 6 بالا اسىراپ الىپ, "قىزىن كٷڭ, ۇلىن قۇل قىلعان" وتباسى سوتقا تارتىلىپ جاتىر. تەرگەۋ مەلٸمەتٸنشە, اسىراندى بالالار اتا-انا مەيٸرٸمٸنٸڭ ورنىنا قورلىق كٶرگەن.
"تاماق بەرمەي, ٷنەمٸ ۇرىپ-سوعىپ, اقىرى بٸرەۋٸن مٷگەدەك قىلعان. وتباسىنىڭ ٷش مٷشەسٸنە قاتىستى ازاپتاۋ بابى بويىنشا ايىپ تاعىلدى", - دەپ جازىلعان مەلٸمەتتە.
قارقارالى اۋدانىنا قاراستى اۋىلداردىڭ بٸرٸندە بۇل وتباسى 2018 جىلى وتباسى تيپٸندەگٸ بالالار ٷيٸن اشقان. پاترانات تەربيەگە بالالار ٷيٸنەن التى جەتكٸنشەكتٸ الادى.
"ولاردى بٸردەن مالعا سالىپ, قورا‑قوپسىسىن قاراتىپ, قارا جۇمىسقا جەككەن. قيت ەتسە, كٶكالا قويداي ەتٸپ ساباپ, نەر تاتىرماي قويادى ەكەن. پروكۋرور بالالاردىڭ بوتقاسىنا "مالدىڭ تەزەگٸن قوسىپ بەرگەن" دەگەن دەرەكتەردٸ جەتكٸزدٸ. تٸپتٸ ولار دالادا, يتتٸڭ ٷيشٸگٸندە تٷنەگەن كەزٸ دە بولعان. ساراپشىلار ٷنەمٸ تاياق جەپ كەلگەن بالالاردىڭ دەنەسٸنەن 19-دان 47-گە دەيٸن تىرتىق انىقتاعان. ەڭ كٸشٸسٸنٸڭ تٸپتٸ باسىن جارىپ تاستاپتى.
اۋداننىڭ قورعانىش بٶلٸمٸ قايدا قاراعانى تٷسٸنٸكسٸز. ال التى بالانىڭ تەربيەسٸنە اي سايىن تٶلەنەتٸن 300 مىڭ تەڭگەنٸ قىسىلماي الىپ كەلگەن. قازٸر ٷش بالا تۋعان ەجەسٸنٸڭ قاراۋىنا بەرٸلگەن. قالعان ٷشەۋٸ بالالار ٷيٸنە قايتارىلىپ, قۇلدىقتان قۇتىلدى", - دەپ جازىلعان ارنا دەرەگٸندە.
"بالالارعا كٷندە قول جۇمساپ وتىرعان. تٷككە تۇرمايتىن قىلىعىنا بولا قامشىمەن ساباپ, كٶسەۋمەن وڭدىرماي ۇرىپ كەلگەن. سونىڭ سالدارىنان بالالاردىڭ باسى, بەتٸ, قول-اياعى تولعان تىرتىق. دۇرىس تاماقتانباعاندىقتان, قاتارلاستارىنا ساي دامىپ ٶسپەگەن", - دەدٸ پروكۋرور ەدٸل سادىقوۆ.
