الماتى وبلىسىندا تۇرعىن ءۇيدىڭ قولجەتىمدىلىگىن ارتتىرۋعا ۇلكەن كوڭىل بولىنۋدە.
اعىمداعى جىلى جەتىسۋ ولكەسىندە ءبىر ملن.شارشى مەتردەن استام تۇرعىن ءۇيدى تاپسىرۋ جوسپارلانعان، ونىڭ ىشىندە "نۇرلى جەر" مەملەكەتتىك باعدارلاماسى بويىنشا 191 مىڭ شارشى مەتر پايدالانۋعا بەرىلەدى.
ءوڭىر باسشىسىنىڭ مالىمەتىنشە، وڭىردە پاتەر الۋعا 52 مىڭعا جۋىق ادام، جەر تەلىمدەرىن الۋعا 154 مىڭنان استام ازامات كەزەكتە تۇر.
"وتكەن جىلى 2 395 وتباسى باسپانامەن قامتاماسىز ەتىلدى، ونىڭ ىشىندە 1 258 كوپبالالى جانە الەۋمەتتىك وسال وتباسى، ونىڭ ىشىندە 180ء-ى مەسەناتتار ەسەبىنەن. 3731 وتباسى جاڭا باسپاناعا يە بولادى، ونىڭ ىشىندە "باقىتتى وتباسى"، "7-20-25"، "شاڭىراق" باعدارلامالارى بويىنشا - 1906 ادام.
الايدا، جوعارىدا ايتقانىمداي، وبلىستا ءۇي كەزەگىندە تۇرعاندار سانى ارتپاسا، كەمىمەك ەمەس، بىزگە كوبىرەك قۇرىلىس جۇرگىزۋ كەرەك"، - دەدى اكىم.
