دەپۋتات ناتاليا دەمەنتەۆا مەجٸلٸس وتىرىسىندا قازٸرگٸ بٸلٸم بەرۋ جٷيەسٸن سىنادى, دەپ حابارلايدى Dalanews.kz.
ونىڭ ايتۋىنشا, ەۋ باستا Kundelik.kz پلاتفورماسى وقۋشىلار مەن مۇعالٸمدەر اراسىنداعى بايلانىستى جەڭٸلدەتۋگە, بٸلٸم ساپاسىن ارتتىرۋعا باعىتتالعان قۇرال رەتٸندە ەنگٸزٸلگەن. دەسە دە, دەپۋتاتتىڭ پٸكٸرٸنشە, قازٸر بۇل پلاتفورما ٶز ميسسيياسىنان اۋىتقىپ, مۇعالٸمدەردٸڭ نەگٸزگٸ كەسٸبي فۋنكتسيياسى - ساباق بەرۋ مەن بالا تەربيەسٸ ەكٸنشٸ ورىنعا ىسىرىلىپ, قوسىمشا ەسەپ پەن فورماليزمگە اينالىپ كەتكەن.
"تسيفرلىق ترانسفورماتسييانىڭ ماقساتى ۋاقىتتى ٷنەمدەۋ جەنە تيٸمدٸلٸكتٸ ارتتىرۋ ەكەنٸ بارشاعا مەلٸم. بٸراق بۇل تۇرعىدا ول مۇعالٸمدەر ٷشٸن قوسىمشا جٷكتەمە بولىپ وتىر. مىسالى اپتاسىنا 25 ساعاتى بار مۇعالٸم Kundelik.kz-تە كٷنٸنە 1-1,5 ساعات ۋاقىت جۇمساۋىنا تۋرا كەلەدٸ. ياعني كٷندەلٸكتٸ تاقىرىپتىق جوسپار جاساۋ, ٷي تاپسىرمالارىن قاداعالاۋ, باعالاۋ جەنە وقۋشىنىڭ تٷسٸنگەنٸن تالداۋ جۇمىستارىن ەلەكترون كٷندەلٸككە ەنگٸزۋ قوسىمشا ۋاقىتتى تالاپ ەتەدٸ. بجب جەنە تجب كەزٸندە بۇل جۇمىستىڭ كٶلەمٸ ەكٸ ەسە ارتاتىنى ايتپاسا دا تٷسٸنٸكتٸ. سالدارىنان مۇعالٸمنٸڭ ساباققا دايىندالاتىن ۋاقىتى قىسقارادى", - دەدٸ دەمەنتەۆا.
حالىقارالىق ۇيىمداردىڭ باعالاۋىنشا, قازاقستاندا مۇعالٸمدەردٸڭ اپتالىق جٷكتەمەسٸ ورتا ەسەپپەن 36 ساعات بولسا, ونىڭ تەك 23 ساعاتى ساباققا جۇمسالادى, ال قالعان بٶلٸگٸ دايىندىق, تەكسەرۋ, ەسەپ جەنە ەكٸمشٸلٸك جۇمىسقا كەتەدٸ. مۇعالٸمدەردٸڭ شامامەن 25 پايىزى ارتىق ەكٸمشٸلٸك جٷكتەمەنٸ سترەسس كٶزٸ دەپ سانايدى.
"بٸلٸم بەرۋ سالاسىنداعى پارادوكس - قاعازباستىلىقتان ارىلامىز دەپ جٷرٸپ مۇعالٸمدەردٸ تسيفرلىق ەسەپكە بايلاپ قويدىق. باستاپقى يدەيا قانداي ەدٸ?! مۇعالٸمدٸ ارتىق ەسەپتەن بوساتىپ, ونىڭ ۋاقىتىن وقۋشىعا باعىتتاۋ بولدى. نەتيجەسٸندە قاعاز ازايدى, بٸراق ەسەپ بەرۋ سانى ازايمادى, ەركٸندٸك ارتپادى, كەرٸسٸنشە باقىلاۋ كٷشەيدٸ", - دەدٸ ول.
ناتاليا دەمەنتەۆا ٷكٸمەتتەن Kundelik.kz پلاتفورماسىن قايتا قاراۋدى سۇرادى. سونىمەن قاتار, پلاتفورمادا وقىتۋ پروتسەسٸنە قاجەت دەرەكتٸ قالدىرۋ ماڭىزدى ەكەنٸن مەلٸمدەدٸ.
"قازاقستانداعى قازٸرگٸ جٷيەدە مۇعالٸم پەداگوگ ەمەس, وپەراتورعا اينالىپ, ساباق ساپاسى ەمەس, جۋرنال تولتىرۋ ساپاسى باعالانادى", - دەپ تٷيٸندەدٸ ول.
