قۇرمەتتٸ مەيماندار – يبن حالدۋن ۋنيۆەرسيتەتٸ قامقورشىلىق كەڭەسٸ تٶراعاسىنىڭ ورىنباسارى نەجمەددين بٸلەل ەردوعان جەنە يبن حالدۋن ۋنيۆەرسيتەتٸنٸڭ رەكتورى, پروفەسسور اتيللا اركان, قامقورشىلىق كەڭەسٸنٸڭ تٶراعاسى, دوكتور يرفان گٷندٷز, گەيدار ەليەۆ اتىنداعى ەۋرازييالىق زەرتتەۋلەر ورتالىعىنىڭ ديرەكتورى, پروفەسسور ياشار سارى, يبن حالدۋن ۋنيۆەرسيتەتٸنٸڭ حالىقارالىق بايلانىستار بٶلٸمٸنٸڭ ديرەكتورى ەنەس يالمان ەل-فارابي كٸتاپحاناسىندا بولىپ, قازۇۋ قالاشىعى قۇرىلىسىنىڭ ەكٸنشٸ كەزەڭٸن ٸسكە اسىرۋ جوسپارىمەن تانىستى.
قوس تاراپ شاعىن قۇرامدا كەزدەسۋ ٶتكٸزٸپ, ورتاق مەسەلەلەردٸ تالقىلادى. جٷزدەسۋدە يبن حالدۋن ۋنيۆەرسيتەتٸ قامقورشىلىق كەڭەسٸ تٶراعاسىنىڭ ورىنباسارى نەجمەددين بٸلەل ەردوعان QS WUR رەيتينگٸندە جوعارى جەتٸستٸككە جەتكەن ەل-فارابي اتىنداعى قازۇۋ ۇجىمىن قۇتتىقتادى.
«ەل-فارابي ورتا عاسىردىڭ اسا كٶرنەكتٸ ويشىلى رەتٸندە تٷركٸ حالىقتارىنىڭ رۋحاني مەدەنيەتٸندە ايرىقشا ٸز قالدىردى. وسى ورايدا, قازاقستاننىڭ كٶشباسشى ۋنيۆەرسيتەتٸ – قازۇۋ-دىڭ ەل-فارابي ەسٸمٸمەن اتالۋى ٷلكەن مەرتەبە. قازاقستان – مٷمكٸندٸكتەر ەلٸ.
پرەزيدەنت رەجەپ تايىپ ەردوعانمەن كەزدەسۋدە قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ ەكٸ ەل اراسىنداعى سەرٸكتەستٸك كٷن ساناپ دامىپ كەلە جاتقانىن اتاپ ٶتكەن بولاتىن.
ەكٸ ەل باسشىلارىنىڭ رەسمي كەزدەسۋ نەتيجەسٸندە 15 كەلٸسٸمگە قول قويىلدى. سونىڭ ٸشٸندە بٸلٸم بەرۋ سالاسىنا ەرەكشە نازار اۋدارىلعان ەدٸ. بٸز بٸلٸم جەنە عىلىم ٶكٸلدەرٸ رەتٸندە وسى باستامالارعا ٶز ٷلەسٸمٸزدٸ قوسۋىمىز قاجەت. بٷگٸنگٸ كەزدەسۋدەن سوڭ يبن حالدۋن مەن قازۇۋ اراسىندا وقىتۋشىلار مەن ستۋدەنت الماسۋ بويىنشا بٸرقاتار باعدارلامالار ٸسكە اسىرىلاتىنىن اتاپ ٶتكٸم كەلەدٸ. الداعى ۋاقىتتا قوس ۋنيۆەرسيتەت اراسىنداعى ورتاق يننوۆاتسييالىق جوبالار سەتتٸ جٷزەگە اسادى دەگەن ٷمٸتتەمٸن», – دەدٸ نەجمەددين بٸلەل ەردوعان.
سونىمەن قاتار كەزدەسۋدە سٶز سٶيلەگەن يبن حالدۋن ۋنيۆەرسيتەتٸ قامقورشىلىق كەڭەسٸنٸڭ تٶراعاسى, پروفەسسور, دوكتور يرفان گٷندٷز عىلىم مەن بٸلٸم سالاسىنداعى ىنتىماقتاستىق بويىنشا بٸرقاتار ۇسىنىستارىن جەتكٸزٸپ, قازۇۋ-مەن سەرٸكتەستٸكتٸ دامىتۋعا دايىن ەكەنٸن جەتكٸزدٸ.
ٶز كەزەگٸندە ەل-فارابي اتىنداعى قازاق ۇلتتىق ۋنيۆەرسيتەتٸنٸڭ باسقارما تٶراعاسى – رەكتورى جانسەيٸت تٷيمەباەۆ بٸلٸم ورداسىندا اتقارىلعان جۇمىستار مەن الداعى ماقساتتارىنا توقتالدى. بٷگٸندە بٸلٸم ورداسى ەلەمنٸڭ 500-دەن استام ۋنيۆەرسيتەتٸمەن, سونىڭ ٸشٸندە تٷركييانىڭ 21 جوعارى وقۋ ورنىمەن تابىستى ىنتىماقتاستىق ورناتقان. قازٸرگٸ ۋاقىتتا وقۋ ورداسىندا تٷركييا رەسپۋبليكاسىنان كەلگەن 32 ستۋدەنت بٸلٸم الۋدا. ٶزارا تەجٸريبە الماسۋ ماقساتىندا قازۇۋ-دا تٷركييانىڭ تٷرلٸ ۋنيۆەرسيتەتتەرٸنەن 49 پروفەسسور دەرٸس وقىدى, PhD دوكتورانتتارعا عىلىمي جەتەكشٸلٸك ەتتٸ.
«اعىمداعى جىلدىڭ مامىر ايىندا قازاقستان پرەزيدەنتٸنٸڭ تٷركييا مەن قىرعىز رەسپۋبليكاسىنا مەملەكەتتٸك ساپارى اياسىندا بٸز قازۇۋ-دىڭ ىستامبۇل جەنە بٸشكەك قالالارىندا فيليالىن اشتىق. مۇنداي ىنتىماقتاستىق نەتيجەلەرٸ قازۇۋ-دى ەلەمدٸك دەڭگەيدەگٸ زەرتتەۋ ۋنيۆەرسيتەتٸنە اينالدىرۋعا ناقتى ٷلەس قوسادى دەپ ويلايمىز. الداعى جۇمىستار بٸلٸم بەرۋ ساپاسىن تٷبەگەيلٸ جاقسارتۋعا جەنە ەلدٸڭ ەلەۋمەتتٸك-ەكونوميكالىق دامۋىنداعى عىلىم ٷلەسٸن ارتتىرۋعا باعىتتالاتىن بولادى», – دەدٸ ۋنيۆەرسيتەت باسشىسى.
بۇل كەزدەسۋ ەكٸجاقتى قارىم-قاتىناستى دامىتۋ اياسىندا اكادەمييالىق ۇتقىرلىق, وقىتۋشىلار مەن ستۋدەنتتەر الماسۋ, بٸرلەسكەن عىلىمي زەرتتەۋلەر شەڭبەرٸندەگٸ جوبالاردى ٸسكە اسىرۋدى كٶزدەيدٸ. ٶز سٶزٸندە جانسەيٸت تٷيمەباەۆ جەمٸستٸ ىنتىماقتاستىق پەن ٶزارا ٸس-قيمىلدى كەڭەيتۋگە باعىتتالعان باستامالاردى قولداۋعا نيەتتٸ ەكەنٸن اتاپ ٶتتٸ.
شارا سوڭىندا يبن حالدۋن ۋنيۆەرسيتەتٸ مەن ەل-فارابي اتىنداعى قازاق ۇلتتىق ۋنيۆەرسيتەتٸ اكادەمييالىق جەنە بٸلٸم بەرۋ بويىنشا ىنتىماقتاستىق تۋرالى كەلٸسٸمگە قول قويدى.
ەل-فارابي اتىنداعى قازۇۋ-دىڭ باسپاسٶز قىزمەتٸ
