«بەيپارتييالىق سايلاۋ ورتالىعى» ەكٸمدەر سايلاۋىنا قىزۋ دايىندالۋدا
الماتى وبلىسىندا اعىمداعى جىلدىڭ 25 شٸلدەسٸندە تٸكەلەي سايلاۋ ارقىلى 71 اۋىلدىق وكرۋگتە ەكٸمدەر سايلانادى.
سايلاۋ پروتسەسٸن بايقاۋ ٷشٸن «بەيپارتييالىق سايلاۋ ورتالىعى» رەسپۋبليكالىق قوعامدىق بٸرلەستٸگٸنٸڭ الماتى وبلىستىق فيليالى اشىلىپ, 17بەلسەندٸلەرقامتىلدى.
– ەلٸمٸزدە تۇڭعىش رەت اۋىلدىق وكرۋگتەرٸ ەكٸمدەرٸنٸڭ سايلاۋى ٶتەدٸ. وسى ورايدا سايلاۋ پروتسەسٸنٸڭ اشىقتىعى مەن زاڭدىلىعىن بايقاۋ ٷشٸن «بەيپارتييالىق سايلاۋ ورتالىعى» قۇرىلىپ, جۇمىسىن جولعا قويۋدا. اتالمىش ورتالىق اتىنان بٸزدٸڭ ٶڭٸرٸمٸزدە 484بايقاۋشى ارنايى وقىتۋدان ٶتٸپ جاتىر. ماقساتىمىز – الداعى سايلاۋدىڭ اشىق, زاڭعا سەيكەس ٶتۋٸنە ٶز ٷلەسٸمٸزدٸ قوسۋ, – دەيدٸ «بەيپارتييالىق سايلاۋ ورتالىعى» رەسپۋبليكالىق قوعامدىق بٸرلەستٸگٸنٸڭ الماتى وبلىستىق فيليالىنىڭ جەتەكشٸسٸ جانات تٶلەميسوۆا.
جالپى قازاقستان بويىنشا بٸر مەزگٸلدە 700-دەن استام اۋىل ەكٸمدەرٸن سايلاۋى ٶتەدٸ. بەيپارتييالىق سايلاۋ ورتالىعى قازاقستاننىڭ بارلىق ٶڭٸرلەرٸندە رەسمي تٸركەۋدەن ٶتكەن فيليالدارى ارقىلى شامامەن 1700 سايلاۋ ۋچاسكەسٸندەگٸ سايلاۋ ٷدەرٸسٸن باقىلاۋدى جوسپارلاپ وتىر. قازٸرگٸ كەزدە بايقاۋشىلار ارنايى وقىتۋدان ٶتٸپ, سايلاۋ ٷردٸستەرٸنە قاتىستى بٸلٸمٸن شىڭداۋدا. جالپى, بەيپارتييالىق سايلاۋ ورتالىعىنىڭ قىزمەتٸ سايلاۋدى, ونىڭ ٸشٸندە سايلاۋ ۋچاسكەلەرٸندە بايقاۋ مەن مونيتورينگ جٷرگٸزۋ ارقىلى سايلاۋ پروتسەسٸنە جٷيەلٸ تٷردە قاتىسۋعا باعىتتالعان.
تالدىكورگان قالاسى, قاراتال ش/ا, 36ا, وفيس 313 مەكەنجايى بويىنشا كەلٸپ, بەيپارتييالىق سايلاۋ ورتالىعىنىڭ ٶڭٸرلٸك شتابىنىڭ جۇمىسىمەن تانىسۋعا شاقىرامىز.
