Almaty oblysynda aǵymdaǵy jyldyń 25 shildesinde tikeleı saılaý arqyly 71 aýyldyq okrýgte ákimder saılanady.
Saılaý prosesin baıqaý úshin «Beıpartıalyq saılaý ortalyǵy» respýblıkalyq qoǵamdyq birlestiginiń Almaty oblystyq fılıaly ashylyp, 17belsendilerqamtyldy.
– Elimizde tuńǵysh ret aýyldyq okrýgteri ákimderiniń saılaýy ótedi. Osy oraıda saılaý prosesiniń ashyqtyǵy men zańdylyǵyn baıqaý úshin «Beıpartıalyq saılaý ortalyǵy» qurylyp, jumysyn jolǵa qoıýda. Atalmysh ortalyq atynan bizdiń óńirimizde 484baıqaýshy arnaıy oqytýdan ótip jatyr. Maqsatymyz – aldaǵy saılaýdyń ashyq, zańǵa sáıkes ótýine óz úlesimizdi qosý, – deıdi «Beıpartıalyq saılaý ortalyǵy» respýblıkalyq qoǵamdyq birlestiginiń Almaty oblystyq fılıalynyń jetekshisi Janat Tólemısova.
Jalpy Qazaqstan boıynsha bir mezgilde 700-den astam aýyl ákimderin saılaýy ótedi. Beıpartıalyq saılaý ortalyǵy Qazaqstannyń barlyq óńirlerinde resmı tirkeýden ótken fılıaldary arqyly shamamen 1700 saılaý ýchaskesindegi saılaý úderisin baqylaýdy josparlap otyr. Qazirgi kezde baıqaýshylar arnaıy oqytýdan ótip, saılaý úrdisterine qatysty bilimin shyńdaýda. Jalpy, Beıpartıalyq saılaý ortalyǵynyń qyzmeti saılaýdy, onyń ishinde saılaý ýchaskelerinde baıqaý men monıtorıń júrgizý arqyly saılaý prosesine júıeli túrde qatysýǵa baǵyttalǵan.
Taldykorgan qalasy, Qaratal sh/a, 36a, ofıs 313 mekenjaıy boıynsha kelip, beıpartıalyq saılaý ortalyǵynyń óńirlik shtabynyń jumysymen tanysýǵa shaqyramyz.
