Facebook جەلٸسٸنٸڭ قولدانۋشىسى نيكيتا نەبىليتسكيي تيگران كەوساياننىڭ اۋىر حالدە جاتقانىن جازدى, - دەپ حابارلايدى Dalanews.kz.
بۇل تۋرالى ەلەۋمەتتٸك جەلٸدەگٸ جازبادان بەلگٸلٸ بولدى. 27 جەلتوقسان كٷنٸ اۋرۋحاناعا تٷسكەن تيگران كەوساياننىڭ ەلٸ بەتٸ بەرٸ قاراماعان.
"سٸزدەرگە جاڭالىعىم بار. مەسكەۋدەگٸ بايلانىستارىمنىڭ بٸرٸ, جوعارى لاۋازىمدى تانىسىم, ماعان 27 جەلتوقساندا تيگران كەوساياننىڭ تەرەڭ كوما جاعدايىندا اۋرۋحاناعا جەتكٸزٸلگەنٸن ايتتى. سودان بەرٸ ول سول جەردە ەش ٶزگەرٸسسٸز جاتىر. وعان ەكٸ رەت دٸني قىزمەتكەرلەردٸ شاقىرعان. بٸرٸنشٸسٸندە پراۆوسلاۆيەلٸك, ەكٸنشٸسٸندە ارميان-گريگورياندىق. كومانىڭ سەبەبٸ بٸزگە بەلگٸسٸز. مٷمكٸن, ٷشٸنشٸ ينفاركت شىعار, ٶيتكەنٸ ونىڭ الدىندا ەكٸ رەت ينفاركت بولعان, مٷمكٸن باسقا بٸر اۋرۋ, نەمەسە بۋدانوۆ جولداستىڭ ەرەكەتتەرٸ شىعار. بەلگٸسٸز. بٸراق ونىڭ مەديكامەنتوزدى كوماعا ەنگٸزٸلمەگەنٸ, ٶزدٸگٸنەن كوماعا تٷسٸپ, اۋرۋحاناعا جەتكٸزٸلگەنٸ انىق", - دەدٸ ول.
ايتا كەتەيٸك, Dala inside تەلەگرام ارناسى پەلە ٸزدەگەن پروپاگانديستٸڭ كۋراتوراتىن تاپتى. كەوساياننىڭ قوجايىنىن ٸزدەستٸرۋگە اتسالىسقان امەريكالىق ەرٸپتەستەرگە العىستان باسقا ايتارىمىز جوق.
بٸزگە جەتكەن مەلٸمەت بويىنشا ەرلٸ-زايىپتى سيمونيان مەن كەوسايان پرەزيدەنت ەكٸمشٸلٸگٸ جەتەكشٸسٸنٸڭ بٸرٸنشٸ ورىنباسارى الەكسەي گروموۆقا باعىنادى. پۋتيندٸك پروپاگاندا دەپ اتالاتىن ەكوجٷيەنٸڭ «جاياۋ ەسكەرٸنە» جٶن سٸلتەپ, باعىت-باعدار بەرەتٸن دەل وسى – گروموۆ. كرەمل كۋلۋارىندا ونى «كۋراتور» دەيدٸ.
بۇلاردىڭ ٶز اراسىندا «اسا قۇپييا تاقىرىپتاردى» تالقىلايتىن «سارى تەلەفون» بار. ەشكٸمگە تيٸسپەي تىنىش جاتقان قازاقستانعا سوقتىعۋ تۋرالى بۇيرىق وسى «سارى تەلەفوننان» تٷسكەن. تيگراننىڭ الدىنداعى مەتٸن دە گروموۆتىڭ ماقۇلداۋىنان ٶتكەن.
كٶرشٸ-قولاڭعا كٷيە جاعاتىن اقپارات تيگران تەرٸزدٸ پروپاگانديستەرگە «سارى تەلەفون» ارقىلى جەتەدٸ.
گروموۆ كٸم?
ول مەمقۇپييا ساناتىنداعى مەلٸمەتتٸڭ سىرتقا تارالماۋىن, ازات ويلى, تەۋەلسٸز كونتەنتتٸڭ زومبيلانعان ورىس قوعامىنا ٶتٸپ كەتپەۋٸن باقىلايتىن تۇلعا. پۋتيندٸ پٸر تۇتاتىن اقپاراتتىق ساياساتتىڭ تٶبە باسىندا تۇر. كرەملگە باعىنىشتى باق-تىڭ جۇمىسىن جٷيەلەيتٸن دە سول.
