پۋتيننٸڭ اۆانتيۋراسىنان الدىمەن سبەربانك زارداپ شەكتٸ. سانكتسييا سالدارىنان ەسەپ-قيساپ جاساسۋ مٷمكٸندٸگٸنەن ايىرىلعان رەسەيلٸك بانك قازاقستانداعى ەنشٸلەس ۇيىمدى ساتىپ تىنعان ەدٸ.
سبەربانكتەن مۇراعا قالعان قۇرىلىمدى سانكتسييا قۇرساۋىنان شىعارۋ ٷشٸن "بەيتەرەك" بٸراز تەر تٶكتٸ. بۇعان حولدينگتٸڭ ساپىنداعى شەتەلدٸك توپ-مەنەدجەرلەر ٷلەس قوستى دەپ توپشىلاۋعا بولادى.
"بەرەكەنٸ" رەپريۆاتيزاتسييا جاساۋعا شەشٸم قابىلداعان حولدينگ قارجى ينستيتۋتىنىڭ 100 پايىز اكتسيياسىنا يەلٸك ەتەدٸ.
"بەيتەرەك" بانكتٸڭ بابىن بٸلەتٸن حالىقارالىق دەڭگەيدەگٸ قالتالى, قاۋقارلى ينۆەستور ٸزدەۋدە. وسى ارادا بٸر نيۋانس بار:
Dalainside ارناسىنا پٸكٸر بٸلدٸرگەن سەنٸمدٸ دەرەككٶز: تٷپ-تۇقييانى رەسەيدەن تارايتىن بانككە "قۇدا تٷسۋشٸلەر" جوقتىڭ قاسى ەكەنٸن ايتتى. باتىس اكتسيونەرلەرٸ سبەربانكتٸڭ شەكپەنٸنەن شىققان قۇرىلىمنىڭ قوجايىنى اتانىپ رەپۋتاتسيياسىنا داق تٷسٸرگٸسٸ كەلمەيدٸ. كاتارلىق كەسٸپكەرلەر دە "بەرەكەدەن" بەلەندەي پوتەنتسيال كٶرٸپ تۇرعان جوق.
جاڭا قازاقستان قىتايلىق ينۆەستورلارعا قولقا سالۋى مٷمكٸن. بٸراق ولاردىڭ دا مۇنداي اۆانتيۋراعا ارالاسا قويۋى ەكٸتالاي.
"بەيتەرەكتٸڭ" بانكتٸ ساتۋ تۋرالى شۇعىل شەشٸم شىعارعانى دا تٷرلٸ ويعا جەتەلەيدٸ.
سانكتسيياعا ۇرىنباۋ ٷشٸن بريۋسسەلگە ساپار شەككەن سمايىلوۆ ٷكٸمەتٸ سوڭىنان سٶز ەرگەن قۇرىلىمنان بٸرجولاتا قۇتىلۋ تۋرالى ۇيعارىمعا كەلگەندەي. باستاۋىن رەسەيدەن الاتىن بانكتٸ جەكەنٸڭ قولىنا تابىستاي وتىرىپ, سانكتسييا تەۋەكەلٸن تٶمەندەتۋگە بولادى.
بٸزدەگٸ اقپارات بويىنشا "بەرەكە" بانك حولدينگتٸڭ قالتاسىنا سالماق سالىپ وتىر. سالدارىنان "بەيتەرەكتٸڭ" مانەۆر جاسايتىن مٷمكٸندٸگٸ شەكتەلٸپ, بانكتەن ٶزگە ماڭىزدى جوبالارى تۇرالاپ قالعان.
"بەرەكەنٸ" كٸم الادى? "بەرەكە" كٸمگە كەرەك? بانكتەن ارىلۋدى كٶزدەگەن حولدينگ باسشىلىعى ٷشٸن بۇل ساۋالدىڭ باسى اشىق.
"بەيتەرەك" دەمەكشٸ, ۇلتتىق كومپانييا جىل باسىندا باتىستىڭ ٷش بٸردەي توپ-مەنەدجەرٸن جۇمىسقا شاقىرعان.
حولدينگ باسشىسى قانات شارلاپاەۆ نەمٸس – مانفرەد گرۋندكە, امەريكالىق دەنيەل ۋيتت جەنە فرانتسۋز قارجىگەرٸ ماري-ەلەن بەراردى اتتاي قالاپ الدىرعان. بۇلاردان كەلٸپ-كەتەر پايدا بار ما?
