ەرسايىن حاميتوۆ پەن ۆياچەسلاۆ سون ءوز ەرىكتەرىمەن Bereke Bankءتىڭ ديرەكتورلار كەڭەسىنىڭ قۇرامىنان شىقتى. بۇل تۋرالى مالىمەت KASE سايتىندا جاريالاندى، دەپ حابارلايدى Dalanews.kz.
ەنگىزىلگەن وزگەرىستەردەن سوڭ "Bereke Bank" اق-تىڭ ديرەكتورلار كەڭەسى ەندى ءتورت ادامنان تۇرادى: اسقار ەلەمەسوۆ، ماعجان مادييەۆ، ماقسات نۇريدەن ۇلى، اندرەي تيمچەنكو.
بۇعان دەيىن "بايتەرەك" ۇلتتىق باسقارۋشى حولدينگى مەن قاتاردىڭ Lesha Bank LLC (Public) "Bereke Bank" اق-قا تيەسىلى 100% اكسيانى ساتۋ بويىنشا مامىلەنى اياقتاعاندارىن جاريالاعان بولاتىن.
بانك كليەنتتەرى الدىنداعى بارلىق مىندەتتەمەنى ورىنداۋدى، ءوز قىزمەتىن كوممەرسيالىق امبەباپ بانك رەتىندە جالعاستىرا بەرەتىن بولادى، سونداي-اق ۇسىنىپ وتىرعان بانك ونىمدەرى بويىنشا شارتتار دا ساقتالادى.
ايتا كەتسەك، 2022 جىلدىڭ قىركۇيەگىندە "بايتەرەك" مەملەكەتتىك حولدينگى كەيىن Bereke Bank دەپ اتاۋى وزگەرگەن سبەربانكتىڭ قازاقستانداعى ەنشىلەس بانكىنىڭ جالعىز قوجايىنى اتاندى. بانكتى حولدينگ "سبەربانك" جاق-تان بانك قاراجاتى ەسەبىنەن ساتىپ الدى، اتاپ ايتقاندا 2021 جىلعى 130 ملرد تەڭگە مولشەرىندەگى ديۆيدەندتەر تولەمىن جۇمساۋ ارقىلى. وسى جاعىنان العاندا، بۇل ماقساتقا مەملەكەت قاراجاتى پايدالانىلعان جوق.
2024 جىلدىڭ اقپانىندا كاتارلىق Lesha Bank "بايتەرەك" ۇبح-مەن ەلىمىزدەگى الەۋەتتى بانكتى ساتىپ الۋ بويىنشا كەلىسىمگە وتىرعانى بەلگىلى بولدى. مامىر ايىندا كەلىسىمشارت سوماسى 65 ملرد تەڭگەنى قۇرادى دەپ حابارلاندى.
8 قازاندا قارجى نارىعىن رەتتەۋ جانە دامىتتۋ اگەنتتىگى Bereke Bank اق-تىڭ قوجايىنى اۋىسقانىن رەسمي تۇردە جاريالاپ، قازاقستاننىڭ قارجى نارىعىنا شەتەلدىك ينۆەستوردىڭ كەلۋى ەكىنشى دەڭگەيدەگى بانكتەر اراسىندا باسەكەلەستىكتى كۇشەيتىپ، ناقتى سەكتورعا كرەديت بەرۋدىڭ ءوسۋىن قامتاماسىز ەتەتىنىن ايتتى.
اگەنتتىك مالىمەتىنشە، Lesha Bank قىزمەتىن شاريعات نورمالارىنا سايكەس جۇزەگە اسىراتىن بانك بولىپ تابىلادى جانە Qatar Financial Center Regulatory Authorityء-دىڭ بانك وپەراسيالارىن جۇرگىزۋگە، ونىڭ ىشىندە دەپوزيتتەردى قابىلداۋعا، قارىز وپەراسيالارىنا، ينۆەستيسيالارمەن وپەراسيالارعا، ۇجىمدىق ينۆەستيسيالار قورىن باسقارۋعا 2010 جىلعى 30 ماۋسىمداعى ليسەنزياسى (رۇقساتى) بار.
2024 جىلعى 1 شىلدەدەگى جاعداي بويىنشا Lesha Bank اكتيۆتەرى 2،05 ملرد اقش دوللارىن، مەنشىكتى كاپيتالى 0،35 ملرد اقش دوللارىن، كاپيتالىنىڭ جەتكىلىكتىلىك كوەففيسيەنتى 16،9%-دى قۇرايدى. 2023 جىلدىڭ قورىتىندىسى بويىنشا،بانك 26،5 ملن دوللار جانە 2024 جىلعى 6 ايدا 15،5 ملن دوللار مولشەرىندە تازا پايدا العان.
