گۋمانيتارلىق كومەكتە قىتايدا جاسالعان بىرنەشە رەت پايدالانۋعا ارنالعان Dupont كوستيۋمدەرى، ينفراقىزىل تەرمومەترلەر، ماسكالار، رەسپيراتورلار، قورعانىس كوزىلدىرىكتەرى ساتىپ الىنعان. بارلىق كەرەك-جاراقتاردى ساتىپ الۋعا كاسىپكەرلەر 100 ميلليون تەڭگەدەن استام قارجى جۇمساپتى. مەديسينا وكىلدەرىنە ارنالعان جابدىقتار قازاقستانعا ارنايى رەيسپەن اكەلىنگەن.
قورعانىس قۇرالدارى ىندەتپەن كۇرەس شارالارىنا تارتىلعان مەديسينالىق جانە باسقا دا ۇيىمدارعا ءبولىپ بەرۋ ءۇشىن وبلىس اكىمدىگىنە تاپسىرىلدى. بارلىق مەديسينالىق بۇيىمدار مەن امۋنيسيا قىتايلىق جانە ەۋروپالىق كاسىپورىنداردا وندىرىلگەن، ەۋروپالىق ساپا سەرتيفيكاتتارىنا يە.
– گۋمانيتارلىق كومەكتى ۇيىمداستىرۋ بارىسىندا بىزگە كومەك كورسەتكەن ق ر سىرتقى ىستەر مينيسترلىگىنە، ەلىمىزدىڭ قىتايداعى جانە قىتايداعى قازاقستاننىڭ ەلشىلىكتەرىنە العىس ايتامىز. ولار لوگيستيكالىق قيىندىقتاردى شەشۋگە كومەكتەسىپ، ەلىمىزگە قاجەتتى قۇرالداردى جەتكىزۋگە بارىنشا كومەك كورسەتتى. زاماناۋي جەكە قورعانۋ قۇرالدارى ءبىزدىڭ مەديسينا ماماندارىنا كوروناۆيرۋسپەن كۇرەستە ۇلكەن كومەك بولادى دەپ سەنەمىز، – دەپ اتاپ ءوتتى قايىرمدىلىق اكسياسىنىڭ باستاماشىلارى.
بۇل كومەكتى الماتى وبلىسى اكىمىنىڭ ورىنباسارى سەرىك تۇردالييەۆ قابىلداپ الدى.
بيزنەستىڭ الەۋمەتتىك جاۋاپكەرشىلىگىن بەرىك ۇستانىپ، وسىنداي قيىن-قىستاۋ كەزەڭدە وڭىرگە قولداۋ بىلدىرگەن ازاماتتارعا وبلىس اكىمىنىڭ ورىنباسارى سەرىك تۇردالييەۆ ريزاشىلىعىن ءبىلدىردى.
– وبلىس اكىمى اماندىق باتالوۆتىڭ اتىنان «Universal Energy» (Qazaqstan) كومپانياسىنىڭ قۇرىلتايشىلارى ي.نان، بولات ءابىلوۆ پەن وراز جاندوسوۆتاردىڭ كورسەتكەن قولداۋلارىنا، قامقور نيەتتەرىنە العىس ايتامىز، – دەدى س.تۇردالييەۆ.
ەسكە سالساق، «Universal Energy (Qazaqstan) كومپانياسى جاڭارتىلعان ەنەرگيالىق نىسانداردىڭ قۇرىلىسىمەن جانە ونى ىسكە قوسۋمەن اينالىسادى. الماتى وبلىسى اۋماعىندا اتالمىش كومپانيانىڭ «قاپشاعاي 100 مۆت» كۇن ەلەكتر ستانسياسى جۇمىس ىستەيدى. وعان قوسا ىلە، سارقان اۋداندارىندا تاعى ەكى ستانسانىڭ قۇرىلىسى ءجۇرىپ جاتىر.
انار سابىروۆا، الماتى وبلىسى.
