Gýmanitarlyq kómekte Qytaida jasalǵan birneshe ret paidalanýǵa arnalǵan Dupont kostiýmderi, infraqyzyl termometrler, maskalar, respiratorlar, qorǵanys kózildirikteri satyp alynǵan. Barlyq kerek-jaraqtardy satyp alýǵa kásipkerler 100 million teńgeden astam qarjy jumsapty. Meditsina ókilderine arnalǵan jabdyqtar Qazaqstanǵa arnaiy reispen ákelingen.
Qorǵanys quraldary indetpen kúres sharalaryna tartylǵan meditsinalyq jáne basqa da uiymdarǵa bólip berý úshin oblys ákimdigine tapsyryldy. Barlyq meditsinalyq buiymdar men amýnitsiia qytailyq jáne eýropalyq kásiporyndarda óndirilgen, eýropalyq sapa sertifikattaryna ie.
– Gýmanitarlyq kómekti uiymdastyrý barysynda bizge kómek kórsetken QR Syrtqy ister ministrligine, elimizdiń Qytaidaǵy jáne Qytaidaǵy Qazaqstannyń elshilikterine alǵys aitamyz. Olar logistikalyq qiyndyqtardy sheshýge kómektesip, elimizge qajetti quraldardy jetkizýge barynsha kómek kórsetti. Zamanaýi jeke qorǵaný quraldary bizdiń meditsina mamandaryna koronavirýspen kúreste úlken kómek bolady dep senemiz, – dep atap ótti qaiyrmdylyq aktsiiasynyń bastamashylary.
Bul kómekti Almaty oblysy ákiminiń orynbasary Serik Turdaliev qabyldap aldy.
Biznestiń áleýmettik jaýapkershiligin berik ustanyp, osyndai qiyn-qystaý kezeńde óńirge qoldaý bildirgen azamattarǵa oblys ákiminiń orynbasary Serik Turdaliev rizashylyǵyn bildirdi.
– Oblys ákimi Amandyq Batalovtyń atynan «Universal Energy» (Qazaqstan) kompaniiasynyń quryltaishylary I.Nan, Bolat Ábilov pen Oraz Jandosovtardyń kórsetken qoldaýlaryna, qamqor nietterine alǵys aitamyz, – dedi S.Turdaliev.
Eske salsaq, «Universal Energy (Qazaqstan) kompaniiasy jańartylǵan energiialyq nysandardyń qurylysymen jáne ony iske qosýmen ainalysady. Almaty oblysy aýmaǵynda atalmysh kompaniianyń «Qapshaǵai 100 MVt» kún elektr stantsiiasy jumys isteidi. Oǵan qosa Ile, Sarqan aýdandarynda taǵy eki stansanyń qurylysy júrip jatyr.
Anar SABYROVA, Almaty oblysy.
