ولجاس بەكتەنوۆ رەسپۋبليكالىق بيۋدجەت كوميسسياسى وتىرىسىن وتكىزدى، - دەپ حابارلايدى Dalanews.kz.
پرەمەر-مينيستر ولجاس بەكتەنوۆتىڭ توراعالىعىمەن رەسپۋبليكالىق بيۋدجەت كوميسسياسىنىڭ وتىرىسى ءوتتى.
ربك وتىرىسىنىڭ قورىتىندىسى بويىنشا ورمان ءتالىمباعىن قۇرۋ، ۇلتتىق گيدرومەتەورولوگيالىق قىزمەتتى جاڭعىرتۋ جانە ءورت قاۋىپسىزدىگىن كۇشەيتۋ ارقىلى قورشاعان ورتانىڭ جاعدايىن جاقسارتۋعا باعىتتالعان جوبالاردى قارجىلاندىرۋعا قولداۋ كورسەتىلدى. سونىمەن قاتار قوسىمشا قارجىلىق قولداۋدى قاجەت ەتەتىن ءبىرقاتار جوبا قاراستىرىلدى.
پرەمەر-مينيستر مەملەكەتتىك ورگانداردىڭ باسشىلارىنا پروسەستى قاتاڭ باقىلاۋعا الىپ، شىعىستاردىڭ نەگىزسىز ارتۋىنا جانە جوبالار قۇنىنىڭ وسۋىنە جول بەرمەۋدى تاپسىردى. باعدارلاما اكىمشىلەرىنىڭ جۇمىسىن كۇشەيتۋ جانە سمەتالىق قۇجاتتامادا ەنگىزىلگەن جوبا قۇنىن ساقتاۋ قاجەتتىگىنە نازار اۋدارىلادى.
