قۇرىلىس سالاسىن دامىتۋ مەسەلەلەرٸ قارالىپ جاتقان ٷكٸمەت وتىرىسىندا پرەمەر-مينيستر ولجاس بەكتەنوۆ قۇرىلىس يندۋستريياسى – ەل ەكونوميكاسىنداعى نەگٸزگٸ سالالاردىڭ بٸرٸ ەكەنٸن, ونىڭ تۇرعىن ٷيمەن قامتۋ, ينفراقۇرىلىمدى دامىتۋ جەنە جۇمىس ورىندارىن قۇرۋعا تٸكەلەي ەسەر ەتەتٸنٸن اتاپ ٶتتٸ, دەپ جازادى Dalanews.kz.
"مەملەكەت باسشىسى 2029 جىلعا دەيٸن جاڭادان 111 ملن شارشى مەتر تۇرعىن ٷي سالۋ مٸندەتٸن قويدى. بۇل مٸندەت جٷيەلٸ نەگٸزدە جەنە كەزەڭ-كەزەڭٸمەن ورىندالۋى تيٸس. بٸز ٶتكەن جىلى تۇرعىن ٷي-كوممۋنالدىق ينفراقۇرىلىمدى دامىتۋ تۇجىرىمداماسىن قايتا قارادىق. وندا ازاماتتاردىڭ تۇرعىن ٷي جاعدايىن جاقسارتۋعا باعىتتالعان اۋقىمدى ٸس-شارالار قامتىلعان. قازٸرگٸ تاڭدا نەتيجەسٸ جامان ەمەس. جاڭا تۇرعىن ٷي قۇرىلىسى جىل سايىن ۇلعايىپ كەلەدٸ. بيىل ٷكٸمەت اتالعان سەكتوردى ودان ەرٸ ىنتالاندىرۋ ماقساتىندا قوسىمشا شارالاردى ٸسكە اسىردى. اتاپ ايتقاندا, تۇرعىن ٷي ساياساتىن رەفورمالاۋ تۋرالى زاڭ قابىلداندى. ول باسپانامەن قامتاماسىز ەتۋدٸڭ اشىق ەرٸ تٷسٸنٸكتٸ جٷيەسٸن قۇرۋعا مٷمكٸندٸك بەرەدٸ. سونىمەن قاتار جاڭا جەڭٸلدەتٸلگەن يپوتەكالىق باعدارلامالار ٸسكە قوسىلىپ, قارجىلاندىرۋ كٶلەمٸ ارتتى", دەپ اتاپ ٶتتٸ ولجاس بەكتەنوۆ.
ٷكٸمەت وتىرىسىندا پرەمەر-مينيستر باسپانا كەزەگٸندە تۇرعانداردىڭ قولدانىستاعى تٸزٸمٸن ٶزەكتەندٸرۋ مەسەلەسٸنە نازار اۋداردى.
"مەن تٸزٸمدەردٸ تٷگەندەپ, بٸر جٷيەگە كەلتٸرۋدٸ تاپسىرعان بولاتىنمىن. بٸراق, بۇل جۇمىس ەلٸ اياقتالعان جوق. سوندىقتان ونى تەزدەتۋ كەرەك. باسپانا كەزەگٸندە, شىنىمەن مۇقتاج ازاماتتار عانا بولۋ كەرەك", — دەيدٸ بۇل رەتتە ٷكٸمەت باسشىسى.
پرەمەر-مينيستر قۇرىلىس سالاسىندا جاڭا نىساندار سالۋ جەنە قاجەتتٸ ينفراقۇرىلىممەن قامتاماسىز ەتٸ بويىنشا ٷيلەستٸرٸلگەن جۇمىستىڭ ماڭىزدىلىعىن باسا ايتتى. سونىمەن قاتار, قۇرىلىس ساپاسىنا ەرەكشە نازار اۋدارۋ كەرەك.
"سوڭعى جىلدارى ەرەجە تالاپتارىنىڭ بۇزىلۋىنا جەنە قۇرىلىس نىساندارىنىڭ ۋاقتىلى ٸسكە قوسىلماۋىنا قاتىستى شاعىمدار سانى كٶبەيٸپ بارادى. بۇل مەسەلەلەردٸ جٷيەلٸ تٷردە شەشۋ قاجەت. جاڭا قۇرىلىس كودەكسٸنٸڭ جوباسىندا قۇرىلىس ساپاسىنا باقىلاۋدى كٷشەيتۋ, سالانى تسيفرلاندىرۋ, سەۋلەتتٸك قاداعالاۋدىڭ تيٸمدٸلٸگٸن ارتتىرۋ بويىنشا شارالار كەشەنٸ كٶزدەلدٸ", — دەپ اتاپ ٶتتٸ ول.
ٷكٸمەت وتىرىسى بارىسىندا پرەمەر-مينيستر ٷلەستٸك قۇرىلىس سالاسىنداعى نورماتيۆتٸك رەتتەۋ قاجەتتٸگٸنە نازار اۋداردى.
"كٶپتەگەن قۇرىلىس كومپانييالارى زاڭ تالاپتارىن اينالىپ ٶتٸپ, ٷلەسكەرلەردٸڭ قاراجاتىن تارتۋدى جالعاستىرىپ كەلەدٸ. ولارمەن ەشقانداي كەپٸلدٸك بەرمەستەن شارتقا وتىرادى. قازٸر مەجٸلٸس ٷلەستٸك قۇرىلىس مەسەلەلەرٸ جٶنٸندەگٸ زاڭ جوباسىن ەزٸرلەدٸ. مينيسترلٸك دەپۋتاتتارمەن بٸرگە ٷلەسكەرلەر قاراجاتىن تارتۋ ٸسٸنە باقىلاۋدى كٷشەيتۋ نورمالارىن ساپالى پىسىقتاۋى قاجەت. بۇعان قوسا, ٷلەستٸك قۇرىلىسقا قاتىستى شارتقا وتىرۋ تەتٸگٸن ەزٸرلەۋدٸ تاپسىرامىن. ول ازاماتتارىمىز ٷشٸن تەۋەكەلدەردٸ تولىعىمەن جويۋعا تيٸس", — دەپ اتاپ ٶتتٸ ولجاس بەكتەنوۆ.
سونداي-اق پرەمەر-مينيستر كەلەسٸدەي تاپسىرمالار بەردٸ:
- ٶنەركەسٸپ جەنە قۇرىلىس مينيسترلٸگٸ ٶڭٸر ەكٸمدٸكتەرٸمەن بٸرلەسٸپ, تۇرعىن ٷيلەر مەن ينجەنەرلٸك جەلٸلەردٸ ٸسكە قوسۋدىڭ بيىلعى جەنە 2025 جىلعا ارنالعان جوسپارلارىنىڭ ورىندالۋىن قامتاماسىز ەتسٸن;
- جاڭا يپوتەكالىق باعدارلامالاردى جەنە قۇرىلىستىڭ بولجامدى ٶسٸمٸن ەسكەرە وتىرىپ, جاۋاپتى مينيسترلٸك مەملەكەتتٸك ورگاندارمەن جەنە ۇيىمدارمەن بٸرلەسٸپ, قۇرىلىس جەنە كوممۋنالدىق سەكتورلار جوبالارىنداعى وتاندىق ماتەريالدار ٷلەسٸن ارتتىرۋىن قامتاماسىز ەتسٸن. سونداي-اق قۇرىلىس ماتەريالدارىن ٶندٸرۋ بويىنشا جوسپارلانعان جوبالاردى 2025 جىلى ٸسكە قوسۋ قاجەت;
- عىلىم جەنە جوعارى بٸلٸم, وقۋ-اعارتۋ, ٶنەركەسٸپ جەنە قۇرىلىس, ەڭبەك مينيسترلٸكتەرٸنە نارىقتىڭ سۇرانىسىن ەسكەرە وتىرىپ, وسى مامانداردى دايارلاۋ مەسەلەلەرٸن پىسىقتاۋى قاجەت – 2030 جىلعا دەيٸن قۇرىلىس سالاسىنا 200 مىڭنان استام بٸلٸكتٸ مامان قاجەت بولادى.
الدىندا جوعارعى سوتتىڭ شەشٸمٸنە نارازىلىعىن بٸلدٸرگەن "ەر-تاۋ”"كومپانيياسىنىڭ باسشىسى كرانعا شىعىپ, بيٸكتەن سەكٸرمەك بولعانىن جازعانبىز.
