Bek Airء-دىڭ بۇرىنعى باسشىسى 2019 جىلعى اۋە اپاتى جايلى سوتتا ايتتى، دەپ حابارلايدى Dalanews.kz.
ايتا كەتەيىك، بۇل اتىشۋلى ءىس الماتىنىڭ تۇركسىب اۋداندىق سوتىندا «اۋە كەمەسىن پايدالانۋ نەمەسە قوزعالىس قاۋىپسىزدىگى ەرەجەلەرىن بۇزۋ، ابايسىزدا ەكى نەمەسە ودان دا كوپ ادامنىڭ قازا بولۋىنا اكەپ سوقتىرۋ» بابى بويىنشا قارالىپ جاتىر. 2019 جىلى Fokker 100 ۇشاعى اۋەگە كوتەرىلە الماي، قاتتى سوعىلىپ، ۇشۋ-قونۋ جولاعىنان شىعىپ كەتكەن. كەيىن ول سالىنىپ جاتقان تۇرعىن ۇيگە سوعىلعان.
اپات سالدارىنان 12 ادام قازا تاپتى، تاعى 69 ادام جاراقات الدى.
Orda.kz مالىمەتىنشە، سوتقا قورعانۋ قۇقىعىمەن كۋاگەر رەتىندە شاقىرىلعان نۇرلان جۇماسۇلتانوۆ ءوزىن كومپانيانىڭ باسشىسى رەتىندە مويىنداۋدان باس تارتتى. ال تەرگەۋ كەزىندە ول مۇنى كەرىسىنشە راستاعان ەدى. جابىرلەنۋشى تاراپتىڭ وكىلدەرىنىڭ ءبىرى ارىپتەستەرىن «جۇماسۇلتانوۆتى قورعاپ وتىر، ايىپتاماي وتىر» دەپ سوكتى.
جابىلىپ قالعان اۋە كومپانياسىنىڭ بۇرىنعى باسشىسىنىڭ مۇنداي مىنەزىن تۇسىنۋگە بولادى: سەبەبى اپاتقا سەپ بولعان جاڭا ءمان-جايلار اشىلىپ جاتىر.
بۇل Bek Airء-دىڭ كەيبىر باسشىلارىنىڭ اقىرى جاۋاپقا تارتىلۋى مۇمكىن ەكەنىن بىلدىرەدى. ازىرگە اپات ءۇشىن كىنا مارقۇم بولعان ۇشاق كومانديرى مارات مۇراتبايەۆ پەن ەكىنشى پيلوت ميرجان مولداقۇلوۆقا ارتىلدى.
ەسكە سالايىق، بۇعان دەيىن قازاقستاندا 2019 جىلدىڭ سوڭىندا بولعان Bek Air اۋە اپاتىنا قاتىستى تەرگەۋ قايتا جۇرگىزىلەتىنىن حابارلاعان ەدىك. بۇل تۋرالى كولىك ءمينيسترى نۇرلان ساۋرانبايەۆ مالىمدەدى.
ءمينيستردىڭ ايتۋىنشا، اتالعان ۇشاق اپاتىنا قاتىستى تەرگەۋ جۇمىستارى قايتا جاندانباق.
2024 جىلدىڭ جەلتوقسانىندا ەكس-مينيستر مارات قارابايەۆ تا بۇل ءىس بويىنشا تەرگەۋ قايتا باستالۋى مۇمكىن ەكەنىن ايتقان ەدى.
Bek Air اۋە اپاتى 2019 جىلعى 27 جەلتوقساندا بولعان. الماتىدان نۇر-سۇلتانعا (قازىرگى استانا) باعىت العان ۇشاق اۋەگە كوتەرىلگەننەن كەيىن بىردەن بيىكتىگىن جوعالتىپ، اۋەجاي ماڭىنداعى قورشاۋدى بۇزىپ ءوتىپ، ەكى قاباتتى كوتتەدجگە سوعىلعان. ۇشاقتا 93 جولاۋشى مەن 5 ەكيپاج مۇشەسى بولعان. اپات سالدارىنان 12 ادام قازا تاپقان.
