شايان وزەنىنىڭ جاعاسىنان 5 گەكتار جەر العان جەكە كاسىپكەر ە.شىنقوجا وندا ءۇش بالىق ءوسىرۋ بۇعاتىن سالىپتى. ال مۇندا سازان مەن تۇقى بالىقتارىنىڭ شاباقتارىن جىبەرۋ شاراسىنا بايدىبەك اۋدانى اكىمىنىڭ ورىنباسارى ن.ايتبەكوۆ، اۋىلدىق وكرۋگ اكىمدەرى، ءبولىم باسشىلارى مەن قوعامدىق ۇيىمداردىڭ وكىلدەرى، اۋىل ارداگەرلەرى قاتىستى.
اتالعان ءۇش بۇعاتتىڭ جالپى سىيىمدىلىعى 500 مىڭ بالىق. جەرگىلىكتى جەتى ادام جۇمىسپەن قامتىلعان. بايدىبەكتىك كاسىپكەر ەندى بەس گەكتار جەردىڭ اۋماعىنا جاسىل جەلەك ەگىپ، سۋ بۇرعاق ورناتۋدى جانە دەمالىس ايماعىنىڭ قۇرىلىسىن جۇرگىزىپ، كەلەسى جىلى پايدالانۋعا بەرۋدى جوسپارلاپ وتىر.
بالىق شارۋاشىلىعىن دامىتۋدى قولعا العان بايدىبەك اۋدانىندا وسى ءۇشىنشى بالىق شارۋاشىلىعى. بۇعان دەيىن 2015 جىلى «كازگولدفيشت» ءجشس-ى «دوسان-قاراباس» سۋ قويماسىنا 700 مىڭ سازان، اق، قارا امۋر بالىقتارىن جىبەرسە، 2017 جىلدىڭ مامىر ايىندا «نۇر-اي» شارۋا قوجالىعى «بوگەن» وزەنىنىڭ جاعاسىنان ارنايى بۇعات جاساپ، سازان، اق امۋر مەن كاراس بالىقتارىنىڭ 8 مىڭ شاباعىن جىبەرگەن بولاتىن.
ستاتيستيكا بويىنشا سۋ قويمالارىنا جىبەرىلگەن شاباقتاردىڭ 70-80 پايىزى ءارى قاراي ءوسىپ جەتىلەدى ەكەن. بالىقتىڭ بۇل تۇرلەرىن سۋ ايدىندارىنا جىبەرۋ كوكتەم جانە كۇز ايلارىندا جۇزەگە اسىرىلادى.
وقو اكىمىنىڭ باسپا ءسوز قىزمەتى
