Báidibekte balyq ósirý buǵatyna 50 myń shabaq jiberildi
Shaian ózeniniń jaǵasynan 5 gektar jer alǵan jeke kásipker E.Shynqoja onda úsh balyq ósirý buǵatyn salypty. Al munda sazan men tuqy balyqtarynyń shabaqtaryn jiberý sharasyna Báidibek aýdany ákiminiń orynbasary N.Aitbekov, aýyldyq okrýg ákimderi, bólim basshylary men qoǵamdyq uiymdardyń ókilderi, aýyl ardagerleri qatysty.
Atalǵan úsh buǵattyń jalpy syiymdylyǵy 500 myń balyq. Jergilikti jeti adam jumyspen qamtylǵan. Báidibektik kásipker endi bes gektar jerdiń aýmaǵyna jasyl jelek egip, sý burǵaq ornatýdy jáne demalys aimaǵynyń qurylysyn júrgizip, kelesi jyly paidalanýǵa berýdi josparlap otyr.
Balyq sharýashylyǵyn damytýdy qolǵa alǵan Báidibek aýdanynda osy úshinshi balyq sharýashylyǵy. Buǵan deiin 2015 jyly «KazGoldFisht» JShS-i «Dosan-Qarabas» sý qoimasyna 700 myń sazan, aq, qara amýr balyqtaryn jiberse, 2017 jyldyń mamyr aiynda «Nur-Ai» sharýa qojalyǵy «Bógen» ózeniniń jaǵasynan arnaiy buǵat jasap, sazan, aq amýr men karas balyqtarynyń 8 myń shabaǵyn jibergen bolatyn.
Statistika boiynsha sý qoimalaryna jiberilgen shabaqtardyń 70-80 paiyzy ári qarai ósip jetiledi eken. Balyqtyń bul túrlerin sý aidyndaryna jiberý kóktem jáne kúz ailarynda júzege asyrylady.
OQO ákiminiń baspasóz qyzmeti
