سونداي-اق جەرگٸلٸكتٸ كەسٸپكەرلەردٸڭ قۇلشىنىسىن ارتتىراتىن تىڭ ەرٸ ٸلكٸمدٸ جوبالاردىڭ ەزٸرلەنۋٸنە مەن بەرگەن جٶن. بۇل مەسەلەنٸ تٷركٸستان وبلىسىنىڭ ەكٸمٸ جانسەيٸت تٷيمەباەۆ بٸرنەشە رەت ايتىپ ٶتكەن بولاتىن.
ايتالىق, اۋدانداعى بورالداي اۋىلدىق وكۋرٸگٸنە قاراستى تالاپ ەلدٸمەكەنٸندەگٸ «تاۋ الما باق» جشس-نى بيىل قۇرىلتايشىلار ەسەبٸنەن جالپى قۇنى 2 ميلليون اقش دوللارىن قۇرايتىن 43 گەكتارعا قارقىندى باۋ وتىرعىزىپتى. 2013 جىلى قولعا الىنعان جوبانىڭ ماقساتى – باۋ كٶلەمٸن 83 گەكتارعا جەتكٸزۋ. 107 گەكتار جەردٸ تولىق قورشاپ, تٸرلٸگٸن دٶڭگەلەتٸپ وتىرعان مەكەمە الداعى ۋاقىتتا ەر گەكتاردان 50 تونناعا دەيٸن ٶنٸم الۋدى جوسپارلاپ وتىر. سەرٸكتەستٸك باسشىسى سەيتجاپپار ەبدۋسادىقۇلى المادان بٶلەك جاڭعاق ەگۋ ٸسٸن دە قولعا الىپتى.
– بورايداي اۋىل وكرۋگٸنٸڭ تاۋلى اۋماعى الما ەگۋگە ٶتە قولايلى. سوندىقتان باۋدىڭ كٶلەمٸن جىل ساناپ ارتتىرىپ, جاڭعاق ەگۋدٸ دە قولعا العانىڭىزدى قۇپتايمىن. الداعى ۋاقىتتا ٶزگە وكۋرگتەردەن دە باۋ ەگۋدٸ قولاعا الساڭىز, اۋدان ەكٸمدٸگٸ تاراپىنان بارلىق قولداۋلار كٶرسەتٸلەتٸن بولادى, – دەگەن بولاتىن بۇدان بۇرىن جانسەيٸت قانسەيٸتۇلى.
بەيدٸبەك اۋدانى ماقسارىسىمەن اتى شىققان ٶڭٸر. بٷگٸندە بۇل داقىلعا شەتەلدەن دە سۇرانىس كٶپ. بىلتىر اۋداندا 23 مىڭ گەكتارعا ماقسارى ەگٸلسە, ونىڭ كٶلەمٸ بيىل 43 مىڭ گەكتارعا جەتكەن. شارۋالار بٷگٸندە گەكتارىنا 7-8 تسەنتنەردەن ٶنٸم الىپ, وبلىسىمىزداعى ماي ٶندٸرۋشٸ كەسٸپورىنداردى شيكٸزاتپەن قامتاماسىز ەتٸپ وتىر.
بۇدان بٶلەك بورالداي اۋىل وكرۋگٸندەگٸ «ابەردين–انگۋس» تۇقىمدى ٸرٸ قارا مال شارۋاشىلىعى دا ەكسپورتقا شىعاتىن مٷمكٸندٸككە يە. 2015 جىلى قۇرىلعان شارۋاشىلىق قوراسىندا بٷگٸندە 154 اسىل تۇقىمدى مال باسى بار. 3500 گەكتار جەرٸ بار قوجالىق الداعى ۋاقىتتا مال باسىن 2 مىڭعا جەتكٸزۋدٸ جوسپارلاۋدا.
بۇدان بۇرىن ٶڭٸر باسشىسى «شايان» يندۋستريالدى ايماعىنا دا اتباسىن بۇرىپ, ونداعى ٸسكە اسقالى وتىرعان جوبالاردىڭ بارىسىمەن تانىسقان بولاتىن.
جالپى اۋماعى 60 گەكتاردى قۇرايتىن ايماق بٷگٸندە بارلىق ينفراقۇرىلىمدىق قاجەتتٸلٸكتەرمەن قامتىلعان. ەندٸگٸ مەسەلە – ينۆەستورلار تارتىپ, جاڭا جۇمىس ورىندارىن كٶپتەپ اشاتىن كەسٸپورىنداردى شوعىرلاندىرۋ.
– يندۋستريالدى ايماقتىڭ مٷمكٸندٸگٸن تيٸمدٸ پايدالانا الماي وتىرسىزدار. ەلٸ كٷنگە مۇندا كەسٸپورىن قۇرۋ جۇمىستارى قولعا الىنباي كەلەدٸ. وسى رەتتە اۋدان ەكٸمٸنٸڭ جۇمىسىنا سىن ايتۋعا بولادى. جىل سوڭىنا دەيٸن ناقتى ٸسكە اسىرىلاتىن جوبالاردى تالقىلاپ, الداعى جىلى كەسٸپورىنداردى تەزدەتٸپ اشۋدى تاپسىرامىن, – دەگەن ەدٸ وبلىس ەكٸمٸ.
