استانادا Aray Media Group كومپانياسىنىڭ بۋحگالتەرى ريزاگۇل ماحمەتوۆا 280 ملن تەڭگەنى جىمقىردى دەگەن ايىپپەن 7 جىلعا سوتتالدى، دەپ حابارلايدى Dalanews.kz Nege.aqsha-عا سىلتەپ.

الايدا ماحمەتوۆانىڭ تۋىستارى بۇل ۇكىمدى ادىلەتسىز دەپ سانايدى. ونىڭ اپكەسى ءمولدىردىڭ ايتۋىنشا، كومپانيانىڭ قۇرىلتايشىسى ايگۇل بايبەكتىڭ (الماتىنىڭ بۇرىنعى اكىمى باۋىرجان بايبەكتىڭ اپكەسى) تاپسىرماسىمەن اقشا ريزاگۇلدىڭ جەكە ەسەپشوتىنا اۋدارىلىپ وتىرعان. ول اقشانى جەتكىزۋشىلەرگە جانە «دوس-مۇقاسان» توبى مەن قانىش ساتبايەۆ تۋرالى فيلمدەرگە قاتىسقان اكتەرلەرگە اۋدارىپ وتىرعان.

«ەگەر ريزاگۇل جۇزدەگەن ميلليوندى ۇرلاعان بولسا، وندا Aray Media Group كەڭسەسىنىڭ الدىندا گونورارىن الماعان ادامدار كەزەكتە تۇرار ەدى. ءبىراق بارلىعى ءوز اقشاسىن الدى، مەملەكەتتىك ساتىپ الۋ بويىنشا ەسەپ تە تاپسىرىلعان. چەكتەر، شوت-فاكتۋرالار، اكتىلەر بار»، – دەيدى ماحمەتوۆانىڭ اپكەسى.

ونىڭ ايتۋىنشا، ايگۇل بايبەك اۋديتورلارعا تەك ماحمەتوۆاعا اۋدارىلعان اقشا تۋرالى بانك ۇزىندىلەرىن عانا بەرگەن. ال گونورارعا جۇمسالعان چەكتەر مەن اكتىلەردى كورسەتپەگەن.

«وسى نەگىزدە اۋديتور ءبىرجاقتى قورىتىندى جاسايدى. كەيىن اپكەم ەلەكتروندى چەكتەر مەن اكتىلەردى ءوزى جيناپ، تاۋەلسىز ساراپشىعا وتكىزدى. ساراپتاما حيششەنيە بولماعانىن كورسەتتى. ءبىراق سۋديا بۇل دالەلدەردى ىسكە قوسۋدان باس تارتتى. ويتكەنى ساراپشى مەملەكەتتىك ەمەس دەپ ايتتى. دەگەنمەن ساراپشىعا قىلمىستىق جاۋاپكەرشىلىك جونىندە ەسكەرتىلگەن بولاتىن»، – دەدى ول.

ءمولدىر ماحمەتوۆانىڭ ايتۋىنشا، اپكەسىنە قىسىم ونىڭ جالاقىسىن كوتەرۋدى سۇراعاننان كەيىن باستالعان.

«ايگۇل بايبەك نە ءۇشىن اپكەمدى كىنالى ەتۋگە تىرىسادى؟ سالىق تەكسەرىسى بولعان جاعدايدا ريزاگۇلدى كىنالى قىلىپ شىعارىپ، ءوزى جاۋاپكەرشىلىكتەن قۇتىلۋ ءۇشىن»، – دەدى ول.

ماحمەتوۆانىڭ وتباسى ۇكىمدى قايتا قاراۋدى تالاپ ەتىپ، اپەللياسيالىق شاعىم تۇسىرگەن.