وتاندىق پروديۋسەر بايان ماقسات قىزى بىرەۋدىڭ ارقاسىندا كۇن كورەتىن ايەلدەردى سىناپ، ولارعا ەلدىڭ ءبارىن وزدەرىندەي كورۋدىڭ قاجەت جوق ەكەنىن ەسكەرتتى. بۇل تۋرالى ول جەلىدەگى پاراقشاسىندا ايتتى. 

بۇل تۋرالى nur.kz حابارلايدى.

بۇگىندە ومىرىندە بولعان اۋىر وقيعادان سوڭ بايان ماقسات قىزى ءۇندىستاندا دەم الىپ ءارى دەنساۋلىعىن قالپىنا كەلتىرىپ ءجۇر. 10-ماۋسىم كۇنى بولعان وقيعانىڭ ءمان-جايىن ەكسكليۋزيۆتى سۇحباتىندا ايتىپ بەرگەن پروديۋسەر، قوعام تاراپىنان بولىپ جاتقان ونىڭ ومىرىنە دەگەن وسىنشاما قىزىعۋشىلىقتى تۇسىنبەيتىنىن دە جەتكىزگەن. ءوزىنىڭ ومىرىنە قاتىستى ءتۇرلى وسەك-اياڭداردان شارشاعان ول ءوز پاراقشاسىنا كەزەكتى رەت جازبا قالدىرىپ، ول ارقىلى ومىرىنە ارالاسپاۋدى، جەردەن وسەك تەرمەۋدى سۇرادى.

“تابىس تا ماحاببات سياقتى. ونى اقشاعا ساتىپ الۋ مۇمكىن ەمەس. ويتپەگەن جاعدايدا، مەن مۇنى باياعىدا-اق ساتىپ الار ەدىم عوي. باقىتىما قاراي وتە كوپ جۇمىس جاسادىم. اقشا قۋاتى دا ماحاببات سەكىلدى، تۇرلىشە بولادى. مەن وزىمە كوڭىل-كۇي، سۇيىكتى جۇمىسىنا دەنە ىنتىزارلىعىمدى، جاڭا اسەرلەر، ءوز يدەيالارىمدى جۇزەگە اسىرۋدى اقشاعا ساتىپ الىپ ءجۇرمىن. ءبىراق مەن بۇعان اراعا كوپ جىل سالىپ قول جەتكىزدىم.

ەڭبەك تەرىمدى سىلىپ وتىرىپ، جەتتىم وسى كۇنگە. ال مەنىڭ وسى كۇنگى تابىسىمدى اسپاننان سالبىراپ تۇسكەن دەپ ويلايتىندارعا ايتارىم: ايناعا بارىپ، وزىڭىزگە كوز تاستاڭىز.  كىمنىڭ ارقاسىندا قولدا بارىڭىزعا قول جەتكىزدىڭىز؟ بىرەۋدىڭ ىسىنە ارالاسۋدىڭ ورنىنا، وزىڭىزگە ءۇڭىلىڭىز. ايتپاعىم، كەيدە تابىستى ايەلدىڭ ارتىندا ەركەگى تۇر دەگەن دە جاڭىلىس. ول ءوزى دە كوپ نارسەگە قول جەتكىزە الادى. ءبىراق، سىزدەر تۇسىنبەيتىن شىعارسىزدار. ەلدىڭ اقشاسىمەن كۇن كورىپ، بىرەۋدىڭ ارقاسىندا ءومىر سۇرەتىن ايەلدەرگە ارنالادى بۇل ءسوزىم”، – دەپ جازدى اشىنعان بايان ماقسات قىزى.