Bul týraly nur.kz habarlaidy.
Búginde ómirinde bolǵan aýyr oqiǵadan soń Baian Maqsatqyzy Úndistanda dem alyp ári densaýlyǵyn qalpyna keltirip júr. 10-maýsym kúni bolǵan oqiǵanyń mán-jaiyn ekskliýzivti suhbatynda aityp bergen prodiýser, qoǵam tarapynan bolyp jatqan onyń ómirine degen osynshama qyzyǵýshylyqty túsinbeitinin de jetkizgen. Óziniń ómirine qatysty túrli ósek-aiańdardan sharshaǵan ol óz paraqshasyna kezekti ret jazba qaldyryp, ol arqyly ómirine aralaspaýdy, jerden ósek termeýdi surady.
“Tabys ta mahabbat siiaqty. Ony aqshaǵa satyp alý múmkin emes. Óitpegen jaǵdaida, men muny baiaǵyda-aq satyp alar edim ǵoi. Baqytyma qarai óte kóp jumys jasadym. Aqsha qýaty da mahabbat sekildi, túrlishe bolady. Men ózime kóńil-kúi, súiikti jumysyna dene yntyzarlyǵymdy, jańa áserler, óz ideialarymdy júzege asyrýdy aqshaǵa satyp alyp júrmin. Biraq men buǵan araǵa kóp jyl salyp qol jetkizdim.
Eńbek terimdi sylyp otyryp, jettim osy kúnge. Al meniń osy kúngi tabysymdy aspannan salbyrap túsken dep oilaityndarǵa aitarym: ainaǵa baryp, ózińizge kóz tastańyz. Kimniń arqasynda qolda baryńyzǵa qol jetkizdińiz? Bireýdiń isine aralasýdyń ornyna, ózińizge úńilińiz. Aitpaǵym, keide tabysty áieldiń artynda erkegi tur degen de jańylys. Ol ózi de kóp nársege qol jetkize alady. Biraq, sizder túsinbeitin shyǵarsyzdar. Eldiń aqshasymen kún kórip, bireýdiń arqasynda ómir súretin áielderge arnalady bul sózim”, – dep jazdy ashynǵan Baian Maqsatqyzy.
