شۋ تۇرعىنى ايالدامادا تانىسقان ەر ادامدى ٶلتٸرگەنٸ ٷشٸن سەگٸز جىلعا سوتتالدى. ەيەل ەر ادامنىڭ جىنىستىق زورلىق كٶرسەتۋ ەرەكەتٸنەن قورعانعانىن ايتقان. الايدا سوت ونىڭ بۇل ۋەجٸن قابىلداماي, ەرەكەتٸن قاساقانا ادام ٶلتٸرۋ دەپ باعالادى, دەپ حابارلايدى dalanews.kz.
قايعىلى وقيعا مامىر ايىندا بولعان. انار نۇرىموۆا مەن ەرنار بۇعاەۆ (ەسٸمدەرٸ ٶزگەرتٸلگەن) ايالدامادا تانىسىپ, بٸرنەشە ساعاتتان كەيٸن شۋ اۋدانىنداعى العا اۋىلىندا ورنالاسقان جەكە ٷيگە بارعان.
ايىپتاۋ تاراپىنىڭ نۇسقاسى بويىنشا, ەڭگٸمەلەسۋ كەزٸندە ەر ادام ەيەلگە ەدەپسٸز ۇسىنىس جاساعان. وسىدان كەيٸن نۇرىموۆا اۋلاعا شىعىپ, تٶسەمتاستىڭ بٸر بٶلٸگٸن الىپ, ەر ادامنىڭ ارتىنان كەلٸپ, باسىنان ۇرعان. ول جەرگە قۇلاعاننان كەيٸن ەيەل تاعى ەكٸ رەت سوققى جاساعان. ەر ادام العان جاراقاتتارىنان وقيعا ورنىندا كٶز جۇمعان.
سوت بارىسىندا نۇرىموۆا ەر ادامنىڭ الدىنا جالاڭاش شىققانىن, جىنىستىق قاتىناسقا تٷسۋگە مەجبٷرلەگەنٸن, ۇرىپ-سوعىپ, تۇنشىقتىرعانىن جەنە ٶلتٸرەمٸن دەپ قورقىتقانىن ايتتى.
ونىڭ سٶزٸنشە, تاستى ٶزٸن قورعاۋ ٷشٸن العان. ال ەر ادام قايتا تۇرىپ, تاعى شابۋىل جاسايدى دەپ قاۋٸپتەنگەندٸكتەن, كەيٸنگٸ ەكٸ سوققىنى جاساعان. وقيعادان سوڭ ەيەل پوليتسييا مەن جەدەل جەردەمدٸ ٶزٸ شاقىرعان.
الايدا ساراپتاما ونىڭ دەنەسٸنەن جاراقات بەلگٸلەرٸن انىقتامادى. بۇعان دەيٸن مارقۇمعا قاتىستى بولجامدى زورلىق-زومبىلىق دەرەگٸ بويىنشا قوزعالعان ٸس قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى توقتاتىلعان.
سوت سوققىلاردىڭ جاسالۋ رەتٸنە ەرەكشە مەن بەردٸ. العاشقى سوققىدان كەيٸن ەر ادام جەرگە قۇلاعانىنا قاراماستان, سوتتالۋشى ونىڭ باسىنان تاعى ەكٸ رەت ۇرعان. وسىعان بايلانىستى سوت ەيەلدٸڭ ەرەكەتٸن قاساقانا ادام ٶلتٸرۋ دەپ سارالادى.
جازا تاعايىنداۋ كەزٸندە نۇرىموۆانىڭ كٸنەسٸن مويىنداۋى, ٶكٸنۋٸ, ٶز ەركٸمەن پوليتسيياعا حابارلاسۋى جەنە بەس بالاسىنىڭ بولۋى ەسكەرٸلدٸ. ونىڭ تٶرت بالاسى كەمەلەتكە تولماعان. مارقۇمنىڭ اعاسى ەيەلدٸ كەشٸرەتٸنٸن ايتىپ, ودان ٶتەماقى تالاپ ەتپەدٸ.
سوت ٷكٸمٸمەن انار نۇرىموۆا قاۋٸپسٸزدٸگٸ ورتاشا مەكەمەدە سەگٸز جىل باس بوستاندىعىنان ايىرۋ جازاسىنا كەسٸلدٸ.
