– ماعان قالامىزدا جاقىندا عانا قىزمەتىن باستاعان «قولعابىس» قورىنىڭ وكىلدەرى جەر بولسا، ءۇي سالىپ بەرۋگە ءازىرمىز دەپ حابارلاستى. قۇرىلىس ماتەريالدارىن قامتاماسىز ەتۋگە نيەتتى كاسىپكەرلەر دە جوق ەمەس ەكەن. ەندەشە، وسىنداي يگى ءىستى اكىمدىك تاراپىنان زاڭ تالاپتارى شەڭبەرىندە شەشىپ بەرۋىمىز كەرەك، – دەدى گۇلجان مامىت قىزى.
قالا اكىمى بۇل ماسەلەگە قاتىستى جەر قاتىناستارى ءبولىمىنىڭ باسشىسى ەرعالي قۋاندىق پەن قۇرىلىس ءبولىمىنىڭ باسشىسى تەمىرحان ساتىبالدىعا جەدەل تۇردە ءۇي سالۋعا لايىقتى 2-3 جەر ۋچاسكەسىنىڭ ماسەلەسىن شەشۋدى تاپسىردى. ءوز كەزەگىندە جاۋاپتى ماماندار تەز ارادا قۇجاتتامالىق تارتىپكە ساي زاڭدى جەر ءبولۋدى باستاپ كەتتى.
ايتا كەتەيىك، ارىس قالاسىنىڭ اۋماعىندا كومەككە مۇقتاج ءارى باسپاناسىز كوپ بالالى وتباسىلارعا قول ۇشىن سوزۋمەن اينالىساتىن «قولعابىس» قوعامدىق قورى ماۋسىم ايىندا قىزمەت كورسەتۋدى رەسمي تۇردە باستادى.
قوردىڭ قولداۋىمەن قالادا الەۋمەتتىك دۇكەن دە ىسكە قوسىلدى. ول جەردە مۇقتاج جاندارعا كيىم-كەشەك پەن تۇرمىستىق زاتتار جانە ازىق-تۇلىك سەبەتتەرى ءتىزىم بويىنشا تەگىن ۇلەستىرىلەدى.
«قولعابىس» قورىنىڭ ءتوراعاسى سىرلىبەك مۇسابەكوۆتىڭ ايتۋىنشا، قور وكىلدەرى الەۋمەتتىك قيىن جاعدايداعى جاندارعا كومەكتەسۋمەن عانا شەكتەلمەي، وتباسىلىق قۇندىلىقتاردى دارىپتەي وتىرىپ، قالاداعى ارداگەرلەر كەڭەسىمەن دە ەتەنە جۇمىس جۇرگىزۋدە. ياعني، قوعامدىق ماسەلەلەر مەن داۋ-جانجالداردىڭ وڭ شەشىلۋىنە دە اتسالىسۋدا.
سونىمەن قاتار، بەلسەندى جاستاردى ءبىر ماقساتقا جۇمىلدىرۋ ارقىلى «ەكو-ارىس» جوباسىن قولعا الۋدا. ول جەردە جاستار بوساعان پلاستيكالىق قۇتىلاردى وتكىزۋدەن تۇسكەن قارجىنى قاجەتكە جاراتىپ، تۇرمىسى تومەن وتباسىلارعا كومەكتەسەدى.
