باس پروكۋروردىڭ ورىنباسارى شىندالييەۆتىڭ كومەكشىسى جۋرناليستەردەن قاشامىن دەپ شالقاسىنان قۇلادى

ساعىنىش سارداروۆا 14 ناۋ. 2024 12:23 5944

باس پروكۋروردىڭ ورىنباسارى اسەت شىندالييەۆ پەن باس پروكۋراتۋرانىڭ پارلامەنتتەگى وكىلى مەيرامباي كەمالوۆ جۋرناليستەردەن قاشامىن دەپ قىزىق جاعدايعا تاپ بولدى، - دەپ حابارلايدى Dalanews.kz.

وقيعا ماجىلىستە بولدى. ال بۇقارالىق اقپارات قۇرالدارى مەن الەۋمەتتىك جەلىدە وقيعانىڭ ۆيدەوسى تاراپ كەتتى. مەيرامبەك كەمالوۆ ماجىلىستە شالقاسىنان قۇلاعان.

"-مەن ءسىزدى يتەرگەن جوقپىن. ...بىزدە ۆيدەو بار"، - دەيدى جاپا تارماعاي جۋرناليستەر.

- ءسىز مەنى يتەردىڭىز، - دەدى پروكۋراتۋرا وكىلى.

كەيىن جۋرناليستەر جاۋاپقا قاناعاتتانباي، تاعى دا شىندالييەۆتەن سامات ءابىش تۋرالى سۇرايدى. ب ا ق وكىلدەرىن ەكس-پرەزيدەنت نۇرسۇلتان نازاربايەۆتىڭ نەمەرە ءىنىسى سامات ءابىشتىڭ ستاتۋسى ءقازىر قانداي ەكەنى جانە ول ءقازىر قايدا ەكەنى قىزىقتىرعان.

شىندالييەۆ "سىزدەردى قىزىقتىرعان سۇراقتارعا جاۋاپ بەردىم"، - دەپ قىسقا قايىرعانىمەن، ارتىنشا "وتكەن جولى ايتتىم عوي. ءىس سوتتا. لاۋازىمدىق وكىلەتتىكتەردى تەرىس پايدالانۋ بابى بويىنشا"، - دەپ جاۋاپ بەرگەن.

سونىمەن قاتار، ساما ابىشكە قانشا جىل بەرىلۋى مۇمكىن ەكەنى دە سۇرالعان.

"ءقازىر ەسىمدە ەمەس. جاتقا ايتا المايمىن عوي"، - دەپ جاۋاپ بەرگەن ول.

ال بۇعان دەيىن اسەت شىندالييەۆ ءماجىلىس كۋلۋارىندا ءىس سوتتا قارالىپ جاتقانىن، سامات ءابىش قازاقستاندا ەكەنىن، قالعانىن بىلمەيتىنىن ايتقان ەدى. 

"ول قازاقستاندا. قالعانىن بىلمەيمىن.

ەلدەن شىقپاۋ تۋرالى قولحاتى بار. قالعانىن ايتا المايمىن. ونى بىلۋگە رۇقساتىم جوق. ءىس سوتتا قارالىپ جاتىر. ستاتۋسى (سامات ءابىشتىڭ) سوتتالۋشى شىعار"، - دەيدى شىندالييەۆ. 

ەسكە سالايىق، بۇعان دەيىن "ديكيي ارمان" - ارمان جۇماگەلدييەۆ قاڭتاردا سامات ءابىشتىڭ قانداي بۇيرىعىن ورىنداعانى بەلگىلى بولعان ەدى. بۇل تۋرالى قاڭتار وقيعاسىنان كەيىن جاپپاي تارتىپسىزدىكتەردى ۇيىمداستىردى دەپ ايىپتالعان پولكوۆنيك رۋسلان ىسقاقوۆ "نوۆايا گازەتاعا" ايتىپ بەردى.

رۋسلان ىسقاقوۆ قاڭتار وقيعاسىنا بايلانىستى وتكەن سوت وتىرىستارىنىڭ بىرىندە ول سامات ءابىشتىڭ بۇيرىعىن ورىنداعانىن ايتتى. ءابىشتىڭ بۇيرىعىمەن ىسقاقوۆ ارمان جۇماگەلدييەۆ – ديكيي ارماندى بۇل ىسكە تارتقان كورىنەدى. جۇماگەلدييەۆ قىلمىس الەمنە قاتىسى بار جانە نازاربايەۆتار اۋلەتىنىڭ تاپسىرماسىن ورىنداۋشى رەتىندە بەلگىلى.


ۇسىنىلعان
سوڭعى جاڭالىقتار