Bas prokýrordyń orynbasary Áset Shyndaliev pen Bas prokýratýranyń Parlamenttegi ókili Meirambai Kemalov jýrnalisterden qashamyn dep qyzyq jaǵdaiǵa tap boldy, - dep habarlaidy Dalanews.kz.
Oqiǵa Májiliste boldy. Al buqaralyq aqparat quraldary men áleýmettik jelide oqiǵanyń videosy tarap ketti. Meirambek Kemalov Májiliste shalqasynan qulaǵan.
"-Men sizdi itergen joqpyn. ...Bizde video bar", - deidi japa tarmaǵai jýrnalister.
- Siz meni iterdińiz, - dedi prokýratýra ókili.
Keiin jýrnalister jaýapqa qanaǵattanbai, taǵy da Shyndalievten Samat Ábish týraly suraidy. BAQ ókilderin eks-Prezident Nursultan Nazarbaevtyń nemere inisi Samat Ábishtiń statýsy qazir qandai ekeni jáne ol qazir qaida ekeni qyzyqtyrǵan.
Shyndaliev "sizderdi qyzyqtyrǵan suraqtarǵa jaýap berdim", - dep qysqa qaiyrǵanymen, artynsha "Ótken joly aittym ǵoi. Is sotta. Laýazymdyq ókilettikterdi teris paidalaný baby boiynsha", - dep jaýap bergen.
Sonymen qatar, Sama Ábishke qansha jyl berilýi múmkin ekeni de suralǵan.
"Qazir esimde emes. Jatqa aita almaimyn ǵoi", - dep jaýap bergen ol.
Al buǵan deiin Áset Shyndaliev Májilis kýlýarynda is sotta qaralyp jatqanyn, Samat Ábish Qazaqstanda ekenin, qalǵanyn bilmeitinin aitqan edi.
"Ol Qazaqstanda. Qalǵanyn bilmeimin.
Elden shyqpaý týraly qolhaty bar. Qalǵanyn aita almaimyn. Ony bilýge ruqsatym joq. Is sotta qaralyp jatyr. Statýsy (Samat Ábishtiń) sottalýshy shyǵar", - deidi Shyndaliev.
Eske salaiyq, buǵan deiin "Dikii Arman" - Arman Jumageldiev qańtarda Samat Ábishtiń qandai buiryǵyn oryndaǵany belgili bolǵan edi. Bul týraly Qańtar oqiǵasynan keiin jappai tártipsizdikterdi uiymdastyrdy dep aiyptalǵan polkovnik Rýslan Ysqaqov "Novaia Gazetaǵa" aityp berdi.
Rýslan Ysqaqov qańtar oqiǵasyna bailanysty ótken sot otyrystarynyń birinde ol Samat Ábishtiń buiryǵyn oryndaǵanyn aitty. Ábishtiń buiryǵymen Ysqaqov Arman Jumageldiev – Dikii Armandy bul iske tartqan kórinedi. Jumageldiev qylmys álemne qatysy bar jáne Nazarbaevtar áýletiniń tapsyrmasyn oryndaýshy retinde belgili.
