ول بۇل تۋرالى ءوزىنىڭ يۋتۋب ارناسىنا كەزەكتى بەينەماتەريالىن شىعارىپ، قازاقستانعا مالىمدەمە جاسادى.
ايتۋىنشا، العاشقى ۆيدەوسى كوپ قارالىم جيناپ، كوپتىڭ نارازىلىعىن تۋدىرعاننان كەيىن 2 اپتادا قازاقستان تۋرالى بىرنەشە مالىمەت جيناعان.
قازاقستاننىڭ تۇڭعىش پرەزيدەنتى نۇرسۇلتان نازاربايەۆ كەزىندەگى قازاقستان مەن وزگە ەلدەر اراسىنداعى كەلىسىمى ۋكراينانىڭ وتكەن ارەكەتىنە ۇقساس ەكەن.
“كوپتىلدى ەل ءۇشىن ءقاۋىپتى. ءقازىر ۋكراينادا نە بولىپ جاتقانىن كورۋدەمىز. جانە قازاقستاندى دا ايتۋىمىزعا بولادى… نازاربايەۆ قازاقستانعا امەريكاندىقتاردىڭ بيولابوراتوريا سالۋىنا رۇقسات بەردى. ۋكراينا دا بۇرىن سولاي ىستەگەن. ەستەرىڭىزدە مە؟ ناتيجەسى نە بولدى؟” ،- دەدى كەسويان بينەماتەريالدا.
ونىڭ ايتۋىنشا، “قازاقستاندا ەشقاشان مىقتى مەملەكەتتىلىك بولعان ەمەس".
"ءبىز مۇندا ەلباسىنى قارسى الدىق. ءيا، ءبىز ولاردى قاڭتار ايىندا تەرروريستەردەن قۇتقاردىق. ولار نە ىستەدى؟ قازاقستان رۋسوفوبيالىق مەملەكەتكە اينالدى. سونداي-اق سەندەردىڭ كومپرادورلىق ەليتالارىڭ دا شەتەلگە اقشا تاسىپ، باسقالاردىڭ ىزىمەن ءجۇر"، – دەيدى ول.
سونداي-اق، ول كسرو تاراعاننان كەيىن، تاۋەلسىزدىك العان 15 ەل تۋرالى ايتا كەلە، “تاۋەلسىزبىن” دەگەن يران، يراك، يۋگوسلاۆيا، اۋعانستان ەلدەرىنىڭ قازىرگى كۇيىنە توقتالدى.
“مەن قورقىتپايمىن، ەسكەرتەمىن! بۇل نەگە اپارادى؟ قازىرگى ۋكراينانىڭ قانداي كۇيگە تۇسكەنىن ەسكە الىڭىزدار! سەندەر دە سولاردىڭ جولىمەن بىرگە رۋسوفوبيالىق مەملەكەت قۇرۋ جولىندا كەلە جاتىرسىزدار. كىتاپتار، ورىس تىلىنە تىيىم سالۋ، ورتاق مەرەكەلەردى الىپ تاستاۋ، كوشە اتتارىن وزگەرتكەننەن نە شىقتى؟ “، -دەدى ول.
...
"قازاقتار، باۋىرلارىم، العىس بىلدىرگەن تۇرلەرىڭ وسى ما؟ رەسەي ءبىر جاققا قۇرىپ كەتەدى دەپ شەشتىڭدەر مە؟ مارسقا قونىس اۋدارىپ كەتەدى دەپ ويلايسىڭدار ما نەمەسە سەندەر ەميگراسيا جاسايسىڭدار ما؟ مەن – رەسەي فەدەراسياسىنىڭ ازاماتى تيگران ەدموندوۆيچ كەوساياننىڭ جەكە پىكىرىن ايتامىن. ۋكرايناعا مۇقيات قاراپ، بايىپپەن ويلانىڭدار. ءبىزدىڭ جاۋاپتى تۇلعالار دا ءوزارا قارىم-قاتىناس دەڭگەيىن قايتا باعالاپ، قايتا قاراۋى كەرەك دەپ ويلايمىن.
سەبەبى، قىمباتتىلارىم، ودان ءارى ايلاكەرلىككە سالىنىپ، بۇل ىس-ارەكەتتەرىڭ ءۇشىن ەشتەڭە بولمايدى دەپ ويلاساڭدار، قاتەلەسەسىڭدەر.
الەم وزگەردى، ءبارى وزگەردى. ال پويىز كەتىپ جاتىر. سەندەر سوڭعى ۆاگونعا سەكىرە الاسىڭدار. مەن بۇعان سەنەمىن، ويتكەنى “بارلىق” دوستىق ويىندارى اياقتالدى. ءقازىر امان قالۋ ماسەلەسى ماڭىزدى"، – دەگەن بولاتىن بۇدان بۇرىن كرەمل پروپاگانداشىسى.
