Ol bul týraly óziniń iýtýb arnasyna kezekti beinematerialyn shyǵaryp, Qazaqstanǵa málimdeme jasady.
Aitýynsha, alǵashqy videosy kóp qaralym jinap, kóptiń narazylyǵyn týdyrǵannan keiin 2 aptada Qazaqstan týraly birneshe málimet jinaǵan.
Qazaqstannyń tuńǵysh prezidenti Nursultan Nazarbaev kezindegi Qazaqstan men ózge elder arasyndaǵy kelisimi Ýkrainanyń ótken áreketine uqsas eken.
“Kóptildi el úshin qaýipti. Qazir Ýkrainada ne bolyp jatqanyn kórýdemiz. Jáne Qazaqstandy da aitýymyzǵa bolady… Nazarbaev Qazaqstanǵa amerikandyqtardyń biolaboratoriia salýyna ruqsat berdi. Ýkraina da buryn solai istegen. Esterińizde me? Nátijesi ne boldy?” ,- dedi Kesoian binematerialda.
Onyń aitýynsha, “Qazaqstanda eshqashan myqty memlekettilik bolǵan emes".
"Biz munda Elbasyny qarsy aldyq. Iá, biz olardy qańtar aiynda terroristerden qutqardyq. Olar ne istedi? Qazaqstan rýsofobiialyq memleketke ainaldy. Sondai-aq senderdiń kompradorlyq elitalaryń da shetelge aqsha tasyp, basqalardyń izimen júr", – deidi ol.
Sondai-aq, ol KSRO taraǵannan keiin, táýelsizdik alǵan 15 el týraly aita kele, “táýelsizbin” degen Iran, Irak, Iýgoslaviia, Aýǵanstan elderiniń qazirgi kúiine toqtaldy.
“Men qorqytpaimyn, eskertemin! Bul nege aparady? Qazirgi Ýkrainanyń qandai kúige túskenin eske alyńyzdar! Sender de solardyń jolymen birge rýsofobiialyq memleket qurý jolynda kele jatyrsyzdar. Kitaptar, orys tiline tyiym salý, ortaq merekelerdi alyp tastaý, kóshe attaryn ózgertkennen ne shyqty? “, -dedi ol.
...
"Qazaqtar, baýyrlarym, alǵys bildirgen túrleriń osy ma? Resei bir jaqqa quryp ketedi dep sheshtińder me? Marsqa qonys aýdaryp ketedi dep oilaisyńdar ma nemese sender emigratsiia jasaisyńdar ma? Men – Resei Federatsiiasynyń azamaty Tigran Edmondovich Keosaiannyń jeke pikirin aitamyn. Ýkrainaǵa muqiiat qarap, baiyppen oilanyńdar. Bizdiń jaýapty tulǵalar da ózara qarym-qatynas deńgeiin qaita baǵalap, qaita qaraýy kerek dep oilaimyn.
Sebebi, qymbattylarym, odan ári ailakerlikke salynyp, bul is-áreketteriń úshin eshteńe bolmaidy dep oilasańdar, qatelesesińder.
Álem ózgerdi, bári ózgerdi. Al poiyz ketip jatyr. Sender sońǵy vagonǵa sekire alasyńdar. Men buǵan senemin, óitkeni “barlyq” dostyq oiyndary aiaqtaldy. Qazir aman qalý máselesi mańyzdy", – degen bolatyn budan buryn Kreml propagandashysy.
