مەجٸلٸستٸڭ ەكس-دەپۋتاتى باقىتجان بازاربەك ٶزٸ كٶلٸكپەن قاعىپ كەتكەن ەر ادامنىڭ جاعدايى تۋرالى ايتتى, دەپ حابارلايدى dalanews.kz.
ول ەلەۋمەتتٸك جەلٸدەگٸ پاراقشاسىندا جەبٸرلەنۋشٸ مەن دەرٸگەرلەر كٶرٸنەتٸن سۋرەت جارييالادى.
"سۋرەتتە ٶز بٸلٸمٸ, ەرەكشە كەسٸبيلٸگٸ, جانكەشتٸ ەڭبەگٸنٸڭ ارقاسىندا نۇرجٸگٸتتٸ اجالدان امان الىپ قالىپ, ەسٸن جيعىزىپ, قايتادان اياققا تۇرعىزعان تاراز قالاسىنىڭ كٶپبەيٸندٸ اۋرۋحاناسىنىڭ دەرٸگەرلەرٸ. شىنى كەرەك, تاراز قالاسىنىڭ كٶپبەيٸندٸ اۋرۋحاناسى جانساقتاۋ بٶلٸمشەسٸ دەرٸگەرلەرٸنٸڭ كەسٸبي بٸلٸكتٸلٸگٸ مەن دەڭگەيٸ ٶتە جوعارى. ولاردى بٷكٸل جامبىل وبلىسى مەديتسيناسىنىڭ قايماعى دەسەم, قاتەلەسپەسپٸن", - دەدٸ بۇرىنعى دەپۋتات.
"نۇرجٸگٸت جاتقان ۋاقىت ارالىعىندا بۇل دەرٸگەرلەر قانشاما ادامنىڭ ٶمٸرٸن اللانىڭ قالاۋىمەن امان الىپ قالدى. جاعدايى مٷشكٸل ناۋقاستاردىڭ ساۋىعىپ, قايتادان اياققا تۇرۋىنا سەبەپشٸ بولىپ كەلەدٸ. بۇلار زامانىمىزدىڭ ناعىز قاھارماندارى دەسەم, ارتىق ايتقانىم ەمەس. ٶز ٶمٸرٸن ٶزگە ادامنىڭ ٶمٸرٸن ساقتاپ قالۋعا ارناعان اق حالاتتى ابزال جانداردى قادٸرلەي بٸلەيٸك, اعايىن! دەرٸگەرلەرگە مىڭ العىس! ەڭبەكتەرٸڭٸزگە مىڭ تاعزىم!
بٸراز تٶككەن تەرٸم اقتالدى, ٶزٸمنٸڭ دۇعام, حالىقتىڭ دۇعاسىن اللا تاعالا قابىل الدى. نۇرجٸگٸتتٸڭ اياعى سىنعاندىقتان الدىمىزدا ەلٸ رەابيليتاتسيياسى كٷتٸپ تۇر. سول باعىتتا جۇمىس ٸستەيتٸن بولامىز", - دەدٸ ول.
ايتا كەتەيٸك, جول اپاتى 15 تامىزدا كەشكە جامبىل وبلىسى رىسقۇلوۆ اۋدانىندا بولعان ەدٸ. كٶلٸك تٸزٸگٸنٸندە باقىتجان بازاربەك وتىرعان. جول اپاتىنان 37 جاستاعى ەر ادام زارداپ شەكتٸ.
