Májilistiń eks-depýtaty Baqytjan Bazarbek ózi kólikpen qaǵyp ketken er adamnyń jaǵdaiy týraly aitty, dep habarlaidy dalanews.kz.
Ol áleýmettik jelidegi paraqshasynda jábirlenýshi men dárigerler kórinetin sýret jariialady.
"Sýrette óz bilimi, erekshe kásibiligi, jankeshti eńbeginiń arqasynda Nurjigitti ajaldan aman alyp qalyp, esin jiǵyzyp, qaitadan aiaqqa turǵyzǵan Taraz qalasynyń kópbeiindi aýrýhanasynyń dárigerleri. Shyny kerek, Taraz qalasynyń kópbeiindi aýrýhanasy jansaqtaý bólimshesi dárigerleriniń kásibi biliktiligi men deńgeii óte joǵary. Olardy búkil Jambyl oblysy meditsinasynyń qaimaǵy desem, qatelespespin", - dedi burynǵy depýtat.
"Nurjigit jatqan ýaqyt aralyǵynda bul dárigerler qanshama adamnyń ómirin Allanyń qalaýymen aman alyp qaldy. Jaǵdaiy múshkil naýqastardyń saýyǵyp, qaitadan aiaqqa turýyna sebepshi bolyp keledi. Bular zamanymyzdyń naǵyz qaharmandary desem, artyq aitqanym emes. Óz ómirin ózge adamnyń ómirin saqtap qalýǵa arnaǵan aq halatty abzal jandardy qadirlei bileiik, aǵaiyn! Dárigerlerge myń alǵys! Eńbekterińizge myń taǵzym!
Biraz tókken terim aqtaldy, ózimniń duǵam, halyqtyń duǵasyn Alla taǵala qabyl aldy. Nurjigittiń aiaǵy synǵandyqtan aldymyzda áli reabilitatsiiasy kútip tur. Sol baǵytta jumys isteitin bolamyz", - dedi ol.
Aita keteiik, jol apaty 15 tamyzda keshke Jambyl oblysy Rysqulov aýdanynda bolǵan edi. Kólik tizigininde Baqytjan Bazarbek otyrǵan. Jol apatynan 37 jastaǵy er adam zardap shekti.
