قالا تۇرعىندارىنىڭ سۇراقتارىنا جاۋاپ بەرگەن باقىتجان ساعىنتايەۆ 15 قاراشانىڭ ءتۇن ورتاسىندا 29 جاسقا دەيىنگى جۇمىس ىستەيتىن جاستار ءۇشىن جالعا بەرىلەتىن تۇرعىن ءۇي باعدارلاماسى بويىنشا وتىنىمدەر قابىلداۋ باستالاتىنىن حابارلادى. وتىنىمدەردى اعىمداعى جىلدىڭ 20 قاراشاسىندا ساعات 23.59-عا دەيىن بەرۋگە بولادى.
وتىنىمدەردى قابىلداۋ www.almaty-jastary.info. سايتىندا جۇرگىزىلەدى، سايتقا كىرۋ ءوتىنىش بەرۋشىلەردىڭ ەلەكتروندىق-سيفرلىق كىلتتەرى بويىنشا جۇزەگە اسىرىلادى.
باعدارلاماعا قاتىسۋشىلارعا قويىلاتىن نەگىزگى تالاپتار: جاسى – 29 جاسقا دەيىن، الماتىدا سوڭعى ەكى جىلدان كەم ەمەس تۇراقتى تىركەلۋى، سوڭعى ەكى جىل ىشىندە قازاقستان اۋماعىندا تۇرعىن ءۇيىنىڭ بولماۋى. بۇدان باسقا، سوڭعى 6 ايدا ۇمىتكەرلەردىڭ اي سايىنعى جالاقىسى 40 اەك-تەن جوعارى بولۋى ءتيىس – 116 680 تەڭگە.
قاجەتتى قۇجاتتاردىڭ، ءجيى قويىلاتىن سۇراقتاردىڭ تىزبەسى تۋرالى تولىق اقپارات جوعارىدا كورسەتىلگەن سايتتا جاريالانعان.
بەرىلەتىن پاتەرلەر ناۋرىزباي اۋدانىنداعى «الما سيتي-5» جاڭا تك جانە الاتاۋ اۋدانىنداعى «مادەنيەت» تك ورنالاسقان. جالپى سانى – 1 050 ءبىر بولمەلى پاتەر. جالعا بەرۋ مەرزىمى – ۇزارتۋ قۇقىعىنسىز 5 جىل.
بۇدان باسقا، قالادا جاستارعا «الماتى جاستارى 3.0» جەڭىلدەتىلگەن نەسيە بەرۋ باعدارلاماسى جۇمىس ىستەيدى. باعدارلاما بيۋدجەتى – 18 ملرد تەڭگە. قارىزدىڭ ەڭ جوعارعى سوماسى – 18 ملن تەڭگەگە دەيىن، پايىزدىق مولشەرلەمە – 5%، باستاپقى جارنا – 10%.
وسى باعدارلاما بويىنشا جىل سايىن 1000 جاس باستاپقى جانە قايتالاما تۇرعىن ءۇي ساتىپ الۋ مۇمكىندىگىنە يە بولادى. بۇگىنگى تاڭدا «الماتى جاستارى 3.0» باعدارلاماسى بويىنشا 14،7 ملرد تەڭگە سوماسىنا 868 زاەم بەرىلدى.
باعدارلاما ءبىلىم بەرۋ، دەنساۋلىق ساقتاۋ، مادەنيەت جانە سپورت، ب ا ق، الەۋمەتتىك سالالاردا جۇمىس ىستەيتىن جاستارعا ارنالعان. سونداي-اق، ونى جوعارى وقۋ ورىندارى مەن عزي، قۇقىق قورعاۋ ورگاندارىنىڭ قىزمەتكەرلەرى پايدالانا الادى.
